«Մանչեսթեր Սիթիի» գլխավոր մարզիչ Պեպ Գվարդիոլան մեկնաբանել է ակումբի չորրորդ անընդմեջ չեմպիոնությունն Անգլիայի Պրեմիեր լիգայում։
«Արսենալը» մեզ տեղափոխեց նոր մակարդակ։ Նախկինում «Լիվերպուլն» էր դա անում, բայց վերջին երկու մրցաշրջաններում դա դարձել է «Արսենալը»: Այս մրցաշրջանն անհավանական էր:
Երիտասարդ և տաղանդավոր մարզիչ. նրանք մեզ հասկացրին, որ մենք պետք է զգույշ լինենք առաջիկա մի քանի տարիներին: Երբ ես տեղափոխվեցի այստեղ, եթե ինչ-որ մեկն ասեր, որ 7 մրցաշրջանում վեց տիտղոս կհաղթեմ, ես կասեի՝ դու խենթ ես, ոչ մի կերպ: Բոլոր լավագույն ֆուտբոլիստները խաղում են «Մանչեսթեր Յունայթեդում», «Լիվերպուլում» և «Չելսիում», այս բոլոր թիմերում: Հիմա մեր դարաշրջանն է։ Մենք սրա մի մասն ենք:
Ո՞րն է գաղտնիքը․․ չգիտեմ։ Շատ աշխատանքը։ Չեմ ասում, որ վատ մարզիչ եմ, բայց ակումբն ինձ անհավանական աջակցություն է ցուցաբերում: Մենք ունենք այս աշխատանքային էթիկան, ամեն մեկն իր գործն է անում, և յուրաքանչյուր բաժին շատ կարևոր է: Սա է ճշմարտությունն ու իրականությունը»,- Գվարդիոլայի խոսքերն է մեջբերում BBC-ն:
