«Բարսելոնայի» նախկին կենտրոնական պաշտպան Ժերար Պիկեն մեկնաբանել է իսպանացի մասնագետ Չավիին «կապտանռնագույնների» գլխավոր մարզչի պաշտոնից հնարավոր հեռացման մասին լուրերը։
«Ֆուտբոլիստները գիտեն, որ իրենք ակումբի մի մասն են, և ամեն ինչ կարող է փոխվել, եթե մարզչի փոփոխություն լինի: Նրանք հարմարվում են և ցանկանում են գոհացնել նոր մասնագետին»,- Պիկեի խոսքերն է մեջբերում AS-ը։
Հիշեցնենք, որ ավելի վաղ մամուլում տեղեկություններ կային, որ Լապորտան զայրացել է Չավիի վրա՝ «Ալմերիայի» հետ խաղի նախօրեին կապտանռնագույնների կազմը բարելավելու անհրաժեշտության և ակումբի ծանր տնտեսական իրավիճակի պատճառով դրա իրականացման դժվարությունների մասին խոսելու համար:
Ըստ լուրերի՝ Չավին հեռախոսազրույցներ է ունեցել Լապորտայի հետ, որը նրա հետ անձնական հանդիպում կկազմակերպի ընթացիկ մրցաշրջանի ավարտից մի քանի օր անց։
