Գերմանիայի առաջնության ընթացիկ մրցաշրջանում Լևերկուզենի «Բայերը» ոչ մի խաղում չի պարտվել։
28 հանդիպումներում Խաբի Ալոնսոյի թիմը տոնել է 24 հաղթանակ և չորս անգամ ոչ-ոքի գրանցել։ Այս արդյունքը Բունդեսլիգայի ռեկորդի կրկնությունն էր։
Նախկինում միայն մեկ թիմ է մեկնարկից 28 տուր անցել առանց պարտության: Այդ թիմը Պեպ Գվարդիոլայի «Բավարիան» էր։ Այդ մրցաշրջանում մյունխենցիներն առաջին անգամ պարտվեցին միայն 29-րդ տուրում «Աուգսբուրգին» (0-1):
Այսպիսով, նոր ռեկորդ սահմանելու համար «Բայերին» միայն պետք է ապրիլի 14-ին կայանալիք առաջնության խաղում տանը չպարտվել «Վերդերին»։
Եթե «Բայերը» հաղթի, ապա կարող է նաև ժամանակից շուտ նվաճել Բունդեսլիգայի տիտղոսը։
