«Չելսիի» հարձակվող Քոուլ Պալմերը մեկնաբանել է Պրեմիեր լիգայի 31-րդ տուրում «Մանչեսթեր Յունայթեդի» նկատմամբ տարած հաղթանակը (4-3). նա 2 գոլ խփեց ավելացված ժամանակում և հաղթանակ բերեց թիմին՝ դառնալով այս խաղում հեթ-տրիկի հեղինակ։
«Սա խելահեղ խաղ էր։ Երբ մենք գոլ խփեցինք 98-րդ րոպեին, ես մտածեցի, որ պետք է հաղթենք հանդիպումը։ Երբ ես խփեցի հաղթական գոլը, ես չգիտեի, թե ինչ անել և պարզապես վազեցի շրջանով:
Հեթ-տրիկը հեթ-տրիկ է: Երբ մենք գոլ խփեցինք, Պոչետինոն ասաց. «Երկու րոպե, եկեք դա անենք»: Նա միշտ փորձում է մեզ առաջ մղել։
Մենք ռիսկի դիմեցինք և, բարեբախտաբար, գոլ խփեցինք։ Սա մեծ հաղթանակ է, որը մեզ կոգեշնչի և կբարձրացնի բոլորի տրամադրությունը։ Հուսով եմ՝ մենք կարող ենք շարունակել նույն ոգով»,- Պալմերի խոսքերն է մեջբերում BBC-ն։
