Ռուսաստանի հավաքականը զրկվել է Պեկինում 2022 թվականի Օլիմպիական խաղերի գեղասահքի թիմային մրցաշարի ոսկե մեդալներից, հայտնում է ISU-ի մամուլի ծառայությունը։
Հիշեցնենք, որ ռուս գեղասահորդները 2022 թվականի Օլիմպիական խաղերի թիմային մրցաշարում զբաղեցրել են առաջին տեղը, սակայն Ռուսաստանի հավաքականի կազմում ընդգրկված է եղել գեղասահորդուհի Կամիլա Վալիևան։
Երեկ՝ հունվարի 29-ին, Մարզական արբիտրաժային դատարանը (CAS) չորս տարով որակազրկել է Վալիևային՝ հակադոպինգային կանոնները խախտելու համար։ Մարզիկի որակազրկման ժամկետը սկսվում է 2021 թվականի դեկտեմբերից։ Մարզիկի այս ժամանակահատվածի արդյունքները չեղարկվել են։
Արդյունքում ԱՄՆ-ի հավաքականի գեղասահորդները թիմային մրցաշարի ոսկե մեդալներ կստանան։ ԱՄՆ-ի հավաքականը Պեկինի Oլիմպիական խաղերի գեղասահքի թիմային մեդալների հաշվարկում երկու ոսկե մեդալ էր նվաճել։ Ռուս գեղասահորդները երկրորդն են։
