Ֆերնանդու Սանտուշը բացատրել է, թե ինչու էր Կրիշտիանու Ռոնալդուն պահեստայինների նստարանին 2022 թվականի աշխարհի առաջնությանը:
Պորտուգալացին Աշխարհի առաջնության առաջին երեք հանդիպումներում խաղացել է մեկնարկային կազմում, սակայն մնացած երկուսում միայն երկրորդ խաղակեսում է խաղադաշտ դուրս եկել։
— Վաղուց չե՞ք խոսել Կրիշտիանու Ռոնալդուի հետ:
— Դա ուրիշ հարց է… Չխոսեցինք… Չգիտեմ՝ ինչ օր էր… Կատարից գնալուց հետո չենք խոսել:
— Շվեյցարիայի հետ խաղի նախորդ օրվանից չե՞ք շփվել:
-— Ոչ, սա Շվեյցարիայի խաղի հետ կապ չունի:
Ես շատ ամուր հարաբերություններ ունեի Կրիշտիանուի հետ։ Բացի մասնագիտականներից, նաև անձնական” Մենք հանդիպեցինք «Սպորտինգում», երբ նա 19 տարեկան էր, և այս հարաբերություններն ամրապնդվեցին ազգային հավաքականում։ Մենք միշտ շատ լավ էինք շփվում միասին: Գրեթե հայր ու որդ լամ փոքր ու մեծ եղբայր:
Մենք շատ մտերիմ ու ամուր հարաբերություններ ունեինք՝ թե՛ մասնագիտական, թե՛ անձնական առումով: Այսպիսով, մեկը մյուսի հետ կապված չէ: Ես Կատարում ռազմավարական որոշում եմ կայացրել։ Դուք պետք է հասկանաք։ Ես պարզապես ասացի, որ նա լավագույնն է աշխարհում: Սա ճիշտ է։ Բայց նրա կարիերայում բարդ պահ եկավ։
2022 թվականի երկրորդ կեսը սարսափելի էր՝ թեկուզ հոգեբանական տեսանկյունից։ Ամեն ինչ սկսվեց նրա տանն ու ընտանիքին պատուհասած դժբախտությունից, որի միջով մեզանից ոչ ոք չէր ցանկանա անցնել (նորածին երեխայի մահը,- խմբ․): Այդ պահը մեծ ազդեցություն ունեցավ նրա վրա, հետո կար մարզական կողմը։
Կրիշտիանուն նախամրցաշրջանային հավաք չէր անցկացրել: Նա երկու ամիս չէր մարզվել։ Հետո Կրիշտիանուն վերադարձավ «Մանչեսթեր Յունայթեդ», բայց նրան գործնականում չօգտագործեցին։
Եթե ինձ հարցնեք՝ արդյոք Կրիշտիանուն ֆիզիկապես և անհատական առումով լավագույնն էր, ես կպատասխանեմ՝ այո։ Նա միշտ այսպիսին է։ Ոչ ոք նրանից լավ չի խնամում իրեն։
Գիտեք, շատ մարդիկ կային, որոնք կարծում էին, որ նա չպետք է խաղա: Եվ նրանք ինձ քննադատեցին դրա համար, բայց ես նրան բոլորից լավ եմ ճանաչում։ Ամեն դեպքում, դա նրա վատագույն պահն էր խաղի ռիթմի առումով: Նա ռիթմի մեջ չէր։
Փորձեցինք նրան ռիթմի մեջ մտցնել աշխարհի առաջնությունից առաջ, իսկ հետո բուն աշխարհի առաջնության առաջին հանդիպումներում։ Հենց սա էր պակասում նրան։
Եթե նա իր թիմակիցներից մեկի հետ գնար սպրինտի կամ դիմացկունության մրցավազքի, ապա կհաղթեր: Դա դրա մասին չէր, դա ռազմավարության խնդիր էր։ Առաջին հանդիպումներում զգացի, որ ռազմավարական առումով ավելի լավ է Պորտուգալիայի համար։ Եվ դա կարող է ավելի լավ լինել նաև նրա համար: Ես մտածեցի. «Ես ուզում եմ մի փոքր փոխել սա, ինձ ավելի բարձր վիճակագրություն ունեցող մեկն է պետք»: Բայց նա դեռ շատ կարևոր էր»,- ասել է Պորտուգալիայի հավաքականի նախկին մարզչի խոսքն է մեջբերել A Bola-ն։
