«Մանչեսթեր Սիթիի» հարձակվող Էրլինգ Հոլանդը մեկնաբանել է ՈՒԵՖԱ-ի վարկածով մրցաշրջանի լավագույն ֆուտբոլիստի մրցանակը ստանալը։
«Ես ինձ լավ եմ զգում, էլ ի՞նչ կարող եմ ասել։ Ես 22 տարեկանում թրեբլ նվաճեցի և ապրում եմ երազանքով:
Երբ ես երիտասարդ էի, դա անհասանելի մի բան էր, ուստի թիմակիցներիս հետ դա անելն առանձնահատուկ էր: Այս բոլոր ձեռքբերումները միայն մոտիվացիա են ավելացնում։
Ես պատրաստ եմ քրտնաջան աշխատել և հիանալի նոր մրցաշրջան անցկացնել: Մեր ողջ թիմը պետք է լավ պատրաստված լինի նոր մարտահրավերներին։ Մենք պետք է հնարավորինս սուր խաղանք ուրիշների դարպասների մոտ։
Երբեմն հայրս կամ մեր մարզիչը (Խոսեպ Գվարդիոլա) կարող են չափազանց զգացմունքային լինել: Ինձ դուր է գալիս, երբ մարդիկ բղավում են ինձ վրա և փորձում են ինչ-որ բան սովորեցնել: Գվարդիոլան պարզապես փորձում է ինձ ավելի լավ ֆուտբոլիստ դարձնել»,- Հոլանդի խոսքերն է մեջբերում TNT Sports-ը։
