Անգլիական «Լիվերպուլն» իր պաշտոնական կայքում հայտարարել է կիսապաշտպան Վատարու Էնդոյի տեղափոխության մասին, ով նախկինում հանդես է եկել գերմանական «Շտուտգարտում»։
Նոր ակումբում 30-ամյա ճապոնացի ֆուտբոլիստը հանդես կգա երրորդ համարի ներքո։ Լիվերպուլյան ակումբի հետ Էնդոյի պայմանագրի ժամկետը չի հաղորդվում, սակայն նշվում է, որ համաձայնագիրը երկարաժամկետ բնույթ է կրում։
Էնդոն «Շտուտգարտում» հանդես էր գալիս 2019 թվականից։ Գերմանական ակումբը նրան գնել էր բելգիական «Սենտ Տրույդենից» 1,7 միլիոն եվրոյով: Ըստ ինսայդեր Ֆաբրիցիո Ռոմանոյի, «Լիվերպուլը» ճապոնացի ֆուտբոլիստին գնել է 18 միլիոն եվրոյով: Միևնույն ժամանակ, Transfermarkt ինտերնետային պորտալում Էնդոյի արժեքը գնահատում է 6,5 միլիոն եվրո:
