Մոսկվայի «Դինամոյի» կիսապաշտպան Արսեն Զախարյանը մոտ է իսպանական «Ռեալ Սոսյեդադ» տեղափոխվելուն։ Այս մասին հայտնում է Mundo Deportivo-ն։
Աղբյուրի համաձայն՝ «Սոսյեդադն» արդեն համաձայնության է եկել անձամբ Զախարյանի հետ պայմանագրի շուրջ եւ այժմ բանակցություններ է վարում «Դինամոյի» հետ։ Ակումբները քննարկում են տրանսֆերի գումարը, վճարման ժամկետները և այլ մանրամասներ։
Սպասվում է, որ տրանսֆերը կկազմի մոտ 12 մլն եվրո՝ գումարած որոշ բոնուսներ:
Նշվում է, որ «Ռեալ Սոսյեդադը» Դավիդ Սիլվայի փոխարինող ընտրել է Զախարյանին, այլ ոչ թե «Մանչեսթեր Յունայթեդի» կիսապաշտպան Դոնի վան դե Բեկին հոլանդացու բարձր գնի պատճառով։
