Կոնֆերենցիաների լիգայի որակավորման երկրորդ փուլի առաջին խաղում «Փյունիկը» հյուրընկալվել էր շվեդական «Կալմարին»։ Երևանյան ակումբը կամային հաղթանակ տարավ՝ 2։1 հաշվով։
Առաջին խաղակեսի վերջնամասում տանտերերն առաջ անցան հաշվի մեջ Ջեյկոբ Տրենսկոյի գոլի շնորհիվ։
55-րդ րոպեին «Փյունիկի» կազմում հաշիվը հավասարեց Լուկա Յուրիչիչը։
81-րդ րոպեին Հայաստանի փոխչեմպիոնին հաղթանակ պարգևեց Խուան Բրավոյի խփած գոլը։
Պատասխան հանդիպումը կկայանա օգոստոսի 3-ին՝ Երևանում։
