Կոնֆերենցիաների լիգայի որակավորման առաջին փուլի առաջին խաղում «Արարատ-Արմենիան» 1։1 հաշվով ոչ-ոքի խաղաց Ալբանիան ներկայացնող «Էգնատիայի» հետ։
Հետխաղային մամուլի ասուլիսի ժամանակ հյուրերի գլխավոր մարզիչ Էդլիր Տետովան ամփոփեց հանդիպումը։
«Առաջին կեսում մենք փորձում էինք ծանոթանալ մրցակցի հետ, քանի որ շատ ինֆորմացիա չունեինք նորեկների մասին։ 2-րդ խաղակեսում փորձեցինք խաղալ մեր խաղը։ Սպասում էինք, որ բավականին բարդ խաղ է ստացվելու և այդպես էլ եղավ։ 2-րդ խաղակեսում մրցակիցն ավելի շատ պաշտպանողական ֆուտբոլ էր խաղում։ Դեռ վաղ է խոսել մրցակցի ուժեղ և թույլ կողմերի մասին։
Այս արդյունքը գոհացնում է մեզ, բայց այն պահերը, որոնք մենք ստեղծեցինք, իրացնելու դեպքում կարող էինք հաղթել։ Այնուամենայնիվ, այս խաղն արդեն անցյալում է։ Մենք կենտրոնանալու ենք մեր հաջորդ խաղի վրա։ Պատասխան խաղում մենք ենք լինելու տանտեր և խաղալու ենք մեր երկրպագուների աչքի առաջ։
Քանի, որ մենք կարողացել ենք մեր թիմի հետ այս երկիր բերել մեր ադրբեջանցի ֆուտբոլիստին (Վուսալ Իսգանդարլին, որը խաղադաշտ մտավ 59-րդ րոպեին), ստացել էինք ապահովության երաշխիքներ, թիմի, պետության և ֆեդերացիայի կողմից։ Այդքանով մենք վստահ էինք, որ ամեն ինչ կանցնի ապահովության շրջանակներում և չեն լինի որևէ չնախատեսված դեպքեր»,- ասել է «Էգնատիայի» մարզիչը։
Թիմերի պատասխան խաղը կկայանա հուլիսի 20-ին՝ Ալբանիայում։
