Լեհական «Նովի Տարգ» արենայում շարունակվում են Եվրոպական ամառային երրորդ խաղերի ծրագրով բռնցքամարտի մրցումները:
Այսօր Հայաստանի ներկայացուցիչներից ռինգ են դուրս եկել Եվրոպայի առաջնության բրոնզե մեդալակիրներ Նարեկ Մանասյանն ու Սոնա Հարությունյանը, ինչպես նաև կանանց հավաքականի անդամ Էլիդա Քոչարյանը:
92 կգ քաշային Նարեկ Մանասյանը մեկնարկային մենամարտում ուժերը չափել է Իսպանիայի ներկայացուցիչ Էմանուել Ռեյեսի հետ և 0-5 հաշվով պարտություն է կրել, 66 կգ քաշային Սոնա Հարությունյանը զիջել է Ֆրանսիայի ներկայացուցիչ Էմիլի Սոնվիկոյին. մրցավարը երկրորդ ռաունդում դադարեցրել է մարտը, իսկ 60 կգ քաշային Էլիդա Քոչարյանը 0:5 հաշվով պարտվել է իռլանդացի Քելլյե Հարինգթոնին:
Երեկոյան մրցահերթում Եվրոպայի բրոնզե մեդալակիր, 54 կգ քաշային Եկատերինա Սիչևան կմենամարտի լեհ Սանդրա Դրաբիկի հետ, 51 կգ քաշային Ռուդոլֆ Գարբոյանն ուժերը կչափի իտալացի Էմիլիո Ֆեդերիկո Սեռան, իսկ 80 կգ քաշային Համբարձում Հակոբյանը երկրորդ մենամարտը կանցկացնի՝ մրցելով սերբ Վլադիմիր Միրոնչիկովի հետ:
