«Բարսելոնայի» գլխավոր մարզիչ Չավին խոսել է «Մանչեսթեր Յունայթեդում» Էրիկ տեն Հագի աշխատանքի մասին:
«Վաղը հիանալի հանդիպում է լինելու: Սա զարմանալի զույգ է։ Երկու թիմերն էլ մրցաշրջանի լավագույն պահն են ապրում։ Տեն Հագը փոխել է թիմի դեմքը։ Նրանց համար դժվար էր, բայց նրանք հիանալի են գործում։ Նա շատ լավ մարզիչ է։ «Մանչեսթեր Յունայթեդում» իրավիճակը փոխելը հեշտ չէր։
Նա հարձակման և պաշտպանության տարբերակներ ունի, նրանք շատ լավ են աշխատում։ Նա հարձակողական ոճ դավանող մարզիչ է, և դա ցույց է տալիս գրեթե յուրաքանչյուր խաղում։ Տեն Հագն օրինակ է այն մարզիչների համար, որոնք սիրում են ֆուտբոլի այս տեսակը։
«Մանչեսթեր Յունայթեդը» մեծ ակումբ է։ Նրանք չեն ապրում իրենց պատմության լավագույն պահը, բայց կան խաղացողներ, որոնք հիանալի մրցաշրջան են անցկացնում: Վերջին շաբաթների ընթացքում նրանք լավ արդյունքների են հասել, և այս խաղում հաղթելը շատ դժվար կլինի»,- Չավիի խոսքն է մեջբերել Marca-ն։
Եվրոպա լիգայի 1/16 եզրափակիչի առաջին խաղում «Բարսելոնան» կհյուրընկալի «Մանչեսթեր Յունայթեդին»։
