Թուրինի «Յուվենտուսի» գլխավոր մարզիչ Մասիմիլիանո Ալեգրին հայտնել է, որ հարձակվող Դուշան Վլահովիչը բաց կթողնի Ա Սերիայի 15-րդ տուրի «Լացիոյի» դեմ առաջիկա հանդիպումը։
«Վլահովիչը հայտացուցակում չի լինի։ Նա երեկ և այսօր մարզվել է, բայց դեռ պատրաստ չէ խաղալ։ Խաղացողին հայտացուցակում ընդգրկելիս պետք է վստահ լինել, որ նա ի վիճակի է օգնել գոնե պահեստայինների նստարանից։ Դուշանն այժմ այդ վիճակում չէ», — Ալեգրիի խոսքն է մեջբերել Football Italia-ն։
Դուշան Վլահովիչը ընթացիկ մրցաշրջանում դարձել է 6 գոլի հեղինակ։
«Յուվենտուս» — «Լացիո» հանդիպումը կկայանա նոյեմբերի 13-ին և կմեկնարկի Երևանի ժամանակով 23։45-ին։
