«Մեծ սաղավարտի» բազմակի հաղթող Սերենա Ուիլյամսը նոր ռեկորդ է սահմանել։
Ամերիկացի թինիսիստուհին դուրս եկավ US Open-ի 3-րդ շրջան։ Նրա մրցակիցը աշխարհի երկրորդ ռակետ էստոնացի Անետ Կոնտավեիտն էր։ Ուիլյամսը հաղթել է երեք սեթում՝ 7:6 (7:4), 2:6, 6:2:
Այսպիսով, Սերենան դարձավ պատմության մեջ առաջին թենիսիստուհին, ով 40 տարեկանում հաղթեց վարկանիշային աղյուսակի լավագույն եռյակում գտնվող մրցակցի։ Հաջորդ տուրում Սերենան կհանդիպի ավստրալուհի Այլա Տոմլյանովիչի հետ։
Ամերիկացի մեկ այս թենիսիստուհի Քորի Գաուֆը ևս դուրս է եկել US Open-ի երրորդ շրջան։
US Open-ի 1/32 եզրափակչում աշխարհի 12-րդ ռակետ Գաուֆը հանդիպեց WTA վարկանիշային աղյուսակի 101-րդ հորիզոնականը զբաղեցնող Ռումինիայի ներկայացուցիչ Գաբրիելա Ռուզեի հետ։ Մրցակիցների միջև հանդիպումը տևեց 1 ժամ 37 րոպե և ավարտվեց Գաուֆի հաղթանակով երկու սեթում՝ 6:2, 7:6 (7:4): Երրորդ տուրում Քորին կխաղա հայրենակից Մեդիսոն Քիզի հետ։
Հույն թենիսիստուհի, աշխարհի 3-րդ ռակետ Մարիա Սակկարին US Open-ի երկրորդ շրջանում պարտվել է չինացի Սյու Վան Վանգին (75-րդը WTA-ում):
Հանդիպումը տևեց 2 ժամ 45 րոպե և ավարտվեց երեք սեթում չինացի մարզիկի հաղթանակով` 3:6, 7:5, 7:5 հաշվով: Հաջորդ տուրում Վանգը կհանդիպի Էլիսոն Ռիսկ (ԱՄՆ) — Մարիա Օսորիո (Կոլումբիա) խաղի հաղթողի հետ։
Թունիսցի թենիսիստուհի Օնս Ժաբերը ևս դուրս է եկել US Open-ի երրորդ շրջան։
US Open-ի 1/32 եզրափակչի խաղում աշխարհի հինգերորդ ռակետ Ժաբերը հանդիպել է WTA-ի վարկանիշային աղյուսակի 144-րդ հորիզոնականը զբաղեցնող ամերիկուհի Էլիզաբեթ Մանդլիկի հետ։ Երրորդ տուրում Ժաբերը կխաղա ամերիկացի Շելբի Ռոջերսի հետ։
