«Նապոլին» միացել է «Տոտենհեմի» կիսապաշտպան Տանգի Նդոմբելեի տրանսֆերային մրցավազքին։
Անտոնիո Կոնտեն չի ծրագրում ընդգրկել 25-ամյա ֆրանսիացուն մեկնարկային կազմում, ուստի ակումբը պատրաստ է քննարկել խաղացողի տրանսֆերի համար առաջարկները:
Հայտնի ինսայդեր Ֆաբրիցիո Ռոմանոյի խոսքերով՝ «Նապոլին» մտադիր է հրավիրել Նդոմբելեին։ Նեապոլիտանացիները կիսապաշտպանի տրանսֆերի համար պետք է մրցակցեն իսպանական «Վիլյառեալի» հետ։
Նախորդ մրցաշրջանի երկրորդ կեսը Տանգի Նդոմբելեն վարձավճարով անցկացրել է «Լիոնում»: Ֆուտբոլիստի տրանսֆերային արժեքը Transfermarkt-ը գնահատում է 30 մլն եվրո։
