Աշխարհի նախկին առաջին ռակետ Սերենա Ուիլյամսը հայտնել է, որ շուտով կարող է ավարտել կարիերան:
Երեկ Ուիլյամսը դուրս էր եկել Տորոնտոյի մրցաշարի երկրորդ շրջան՝ հաղթելով իսպանացի Նուրիա Պարրիզաս-Դիասին (6:3, 6:4):
Ամերիկացու համար դա առաջին հաղթանակն էր WTA-ի մակարդակով ավելի քան 14 ամսվա ընթացքում։
«Կարծում եմ՝ թունելի վերջում արդեն լույս է երևում։ Ես ավելի եմ մոտենում այս լույսին: Ես չեմ կարող սպասել, մինչև հասնեմ դրան: Ի՞նչ է իրականում այս լույսը: Ազատություն.․․ Ես սիրում եմ թենիս խաղալ, դա զարմանալի զգացողություն է: Բայց ես չեմ կարող դա անել հավերժ: Այնպես որ, երբեմն պարզապես պետք է փորձել վայելել պահը և անել այն ամենը, ինչ կարող ես»,- 40-ամյա Սերենայի խոսքերն է մեջբերում WTA-ի պաշտոնական կայքը։
