Լեոնիդ Սլուցկիի՝ հարգանքի արժանի քայլը

«Ռուբինի» գլխավոր մարզիչ Լեոնիդ Սլուցկին աչքի է ընկել հարգանքի արժանի քայլով։

Ինչպես տեղեկացնում է Sport Business Online-ը, այն բանից հետո, երբ կազանյան ակումբը լքել է Ռուսաստանի Պրեմիեր Լիգան, Սլուցկին ակումբի նախագահին առաջարկել է մեկ տարի աշխատել անվճար։

Գլխավոր տնօրեն Ռուստեմ Սեյմանովը հրաժարվել է առաջարկից, սակայն համաձայնել է կրճատել մարզչի աշխատավարձը։ Սլուցկին Կազանում աշխատում էր 36 միլիոն ռուբլի, իսկ այժմ կաշխատի 12 միլիոն ռուբլի։