«Մանչեսթեր Սիթիի» կիսապաշտպան Ֆերնանդինյոն կիսվել է Մադրիդի «Ռեալի» դեմ Չեմպիոնների լիգայի կիսաեզրափակչի պատասխան խաղի սպասելիքներով։
«Մենք նպատակ ունեինք հաղթել. Մենք հիասթափված ենք, որ երեք գոլ բաց թողեցինք, բայց պատրաստվում էինք հաղթել, քանի որ «Ռեալը» թոփ ակումբ է, նրանք հիանալի խաղացողներ ունեն, և այս հաղթանակը մեզ վստահություն կհաղորդի Մադրիդում կայանալիք խաղից առաջ։ Այնտեղ մենք խաղալու ենք մեր ֆուտբոլը, կպահենք գնդակը և կգրոհենք այնքան, որքան անհրաժեշտ է։ Մենք ավելի խելացի կլինենք. մենք կբարելավենք մեր պաշտպանական խաղը և «Ռեալին» հեռու կպահենք դարպասից։ Մենք ցանկանում ենք հաղթել Մադրիդում»,-ասել է Ֆերնանդինյոն:
Հիշեցնենք, որ առաջին խաղում անգլիական թիմը հաղթել էր 4:3 հաշվով:
