Կարլուշ Կեյրուշը հեռացավ Եգիպտոսի հավաքականի գլխավոր մարզչի պաշտոնից այն բանից հետո, երբ չկարողացավ նվաճել 2022 թվականի Աշխարհի առաջնության ուղեգիր:
Աշխարհի առաջնության ուղեգրի համար երկխաղյա դիմակայությունում Եգիպտոսը պարտվեց Սենեգալին։ Հաղթողը որոշվեց 11 մետրանոց հարվածաշարում։
«Երազանքը չիրականացավ. մենք փորձեցինք անել այն ամենը, ինչ մեր ուժերի սահմաններում է, բայց դա բավարար չէր։ Շնորհակալություն եմ հայտնում Եգիպտոսի ֆուտբոլային ասոցիացիային՝ ազգային հավաքականի մարզիչ լինելու պատվի համար։ Բոլոր խաղացողներին և շտաբին շատ շնորհակալություն: Դուք հավերժ կմնաք իմ սրտում»,- հայտարարել է Կեյրուշը:
69-ամյա Կեյրուշը Եգիպտոսի հավաքականը գլխավորում էր 2021 թվականի սեպտեմբերից։ Նրա հետ թիմը դուրս եկավ Աֆրիկայի ազգերի գավաթի եզրափակիչ, որտեղ 11 մետրանոց հարվածաշարում պարտվեց նույն Սենեգալին։
Հիշեցնենք՝ Կեյրուշի գլխավորությամբ աշխարհի առաջնության եզրափակիչ փուլի ուղեգիր են նվաճել ՀԱՀ-ը 2002 թվականին, Պորտուգալիան 2010-ին և Իրանը 2014-ին ու 2018-ին:
Կարդացեք նաև՝ Ես աշխարհի թոփ-10 մարզիչների թվում եմ․ Եգիպտոսի հավաքականի մարզիչ
