Լեհաստանն ավտոմատ կերպով դուրս կգա Աշխարհի 2022 թվականի առաջնության որակավորման փլեյ-օֆֆի եզրափակիչ՝ Ռուսաստանի հավաքականին մրցաշարին մասնակցելուց զրկելուց հետո:
Ինչպես հայտնում է Przegląd Sportowy-ը՝ մեջբերելով Լեհաստանի ֆուտբոլային միության աղբյուրը, ՖԻՖԱ-ն չի պատրաստվում փոխարինող փնտրել Ռուսաստանի հավաքականին։ Այսպիսով, Լեհաստանը ավտոմատ կերպով դուրս կգա փլեյ-օֆֆի եզրափակիչ, որտեղ կխաղա Չեխիայի կամ Շվեդիայի հետ։
Այս մասին ՖԻՖԱ-ի պաշտոնական որոշում դեռ չկա, սակայն սպասվում է, որ այն կհայտարարվի մինչև ուրբաթ։
ՖԻՖԱ-ն մի քանի տարբերակ է դիտարկել, բայց դրանք բոլորն էլ բազմաթիվ խնդիրներ են ստեղծել։ Կար տարբերակ Լեհաստանի, Շվեդիայի և Չեխիայի միջև եռախաղյա դիմակայության, սակայն լոգիստիկայի և ժամանակացույցի հետ կապված դժվարություններ կային: Ռուսաստանին կարող էին փոխարինել Սլովակիան կամ Հունգարիան։ Սակայն այս թիմերից յուրաքանչյուրն արդեն ունի նախատեսված հանդիպումներ, և դրանց չեղարկումը կհանգեցնի խնդիրների։
