Համաշխարհային հակադոպինգային գործակալության (WADA) հետաքննությունների բաժնի ղեկավար Գյունտեր Յանգերը հայտարարել է, որ կազմակերպությունը Մոսկվայի լաբորատորիայում 298 կասկածելի դոպինգ նմուշներից 145-ում մանիպուլյացիաներ է հայտնաբերել: Այս մասին հայտնում է Deutsche Welle-ում:
Յունգերի խոսքով, 2019 թվականի մայիսից նոյեմբերն ընկած ժամանակահատվածում WADA-ի հետաքննական բաժինը փորձել է պարզել, թե ինչ տվյալներ են փոփոխվել, ջնջվել կամ ավելացվել: Նա խոստացել է, որ 298 կասկածելի դոպինգներից յուրաքանչյուրը կստուգվի:
«Մենք պարզել ենք, թե ինչ տվյալներ են ջնջվել և երբ, բայց բոլոր դեպքերում չէ, որ կարողացել ենք դրանք վերականգնել»,- ասել է նա:
Յունգերը հայտարարել է, որ որոշ դեպքերում տվյալների փոփոխություններն արվել են ետին ամսաթվով: Անցած շաբաթ WADA-ն հայտարարել է, որ Մոսկվայի հակադոպինգային լաբորատորիայի աշխատանանքերը ժամանակավորապես կասեցվել են: Սա արգելում է լաբորատորիային կատարել ցանկացած աշխատանք, որը կապված է մարզիկների արյան անալիզների հետ:
2019 թվականի դեկտեմբերի սկզբին WADA-ն Ռուսաստանի հակադոպինգային գործակալությանը զրկեց համապատասխան կարգավիճակից, ինչի պատճառով առաջիկա 4 տարիների ընթացքում Ռուսաստանը զրկվեց միջազգային խոշոր մրցաշարերին մասնակցելու իրավունքից: Բացի դա, այս ընթացքում երկիրը չի կարողանա իր տարածքում մրցաշարեր հյուրընկալել:
Ռուս մարզիկներին թույլ է տրվում մասնակցելու միջազգային խոշոր մրցաշարերին միայն չեզոք դրոշի ներքո: Ընդ որում, նրանք ստիպված կլինեն լրացուցիչ դոպինգ թեստեր անցնել:
ՌՈՒՍԱԴԱ-ն դեկտեմբերի վերջին իր անհամաձայնությունը հայտնեց WADA-ի պատժամիջոցներին: Հունվարի սկզբին միջազգային գործակալությունը դիմեց Լոզանի արբիտրաժային դատարան (CAS)` հայց ներկայացնելով ՌՈՒՍԱԴԱ-ի դեմ: WADA-ն կոչ է անում ռուսական կողմին համապատասխան կարգավիճակից զրկելը համարել ճիշտ և հիմնավոր:
Ավելի վաղ հայտնել էինք, որ դատական գործընթացը թույլատրում է երրորդ անձանց ներգրավվածությանը գործին:
