«Ուրարտու» ֆուտբոլային ակումբը նվեր է պատրաստել դերասան Խորեն Լևոնյանի համար․ նա այսուհետ իր անվանական տեղը կունենա ակումբի մարզադաշտում։
«Հաշվի առնելով այն հանգամանքը, որ սիրված դերասան Խորեն Լևոնյանը բաց չի թողնում ոչ միայն «Ուրարտուի», այլև Vbet Հայաստանի Պրեմիեր լիգայի և ոչ մի հանդիպում։ Ակումբը որոշեց յուրահատուկ նվեր պատրաստել անվանի դերասանի համար։
Այսուհետև «Ուրարտուի» մարզադաշտում Խորեն Լևոնյանն իր անվանական տեղն ունի և այն նախատեսված է միայն նրա համար։
«Ուրարտու» ֆուտբոլային ակումբը թողարկել է նաև մրցաշրջանի համար նախատեսված անդամաքարտեր ու նրանից առաջինը հանձնվեց հենց Խորեն Լևոնյանին։
«Շնորհակալ եմ»,- իր ինստագրամյան էջում գրել էր Լևոնյանը։
«Ուրարտու» ֆուտբոլային ակումբը ուրախ է սեփական հարկի տակ ընդունել ոչ միայն սպորտային աշխարհի, այլև մշակութային և այլ բնագավառների անվանի գործիչների։ Ֆուտբոլն էլ ինքնին մշակույթ է ու նման հարաբերությունների ստեղծումը միայն ու միայն ավելի մասսայական է դարձնում մեր աշխատանքը»,- ասված է ակումբի հայտարարության մեջ։
