Իսպանական «Ռեալ Սոսյեդադի» կիսապաշտպան Ադնան Յանուզայը գրավել է իտալական գրանդների ուշադրությունը, հաղորդում է Calciomercato-ն:
«Միլանը» և «Ռոման» կպայքարեն 24-ամյա բելգիացու համար, ով ցանկանում է փոխել ակումբը:
Նշվում է, որ հռոմեական ակումբը պաշտոնական առաջարկով դիմել է «Սոսյեդադի» ղեկավարությանը և ստացել է ֆուտբոլիստի նախնական համաձայնությունը:
Իսպանիայի այս առաջնությունում Յանուզայը անցկացրել է 11 հանդիպում և դարձել՝ 3 գոլային փոխանցման հեղինակ:
Հիշեցնենք, որ բելգիացին «Ռեալ Սոսյեդադ» է տեղափոխվել 2017 թվականի ամռանը:
