Այսօր՝ հունիսի 18-ին, Եվրոպայի առաջնության շրջանակում կկայանա 8-րդ խաղային օրը։
Խաղային օրը կմեկնարկի խմբային փուլի երկրորդ տուրի՝ E խմբում ընդգրկված Շվեդիայի և Սլովակիայի հավաքականների միջև խաղով։ Հանդիպումը կկայանա Սանկտ-Պետերբուրգի «Գազպրոմ Արենա» մարզադաշտում և կմեկնարկի ժամը 17։00-ին։
Այնուհետև, միմյանց հետ կմրցեն D խմբի ներկայացուցիչները՝ Խորվաթիան և Չեխիան։ Հանդիպումը կկայանա շոտլանդական Գլազգո քաղաքի «Հեմպդեն Պարկ» մարզադաշտում և կմեկնարկի ժամը 20։00-ին։
Խաղային օրը կավարտվի D խմբի մյուս թիմերի՝ Անգլիայի և Շոտլանդիայի միջև խաղով։ Խաղը կկայանա Լոնդոնի «Ուեմբլի» մարզադաշտում և կմեկնարկի ժամը 23։00-ին։
Բոլոր խաղերն ուղիղ հեռարձակմամբ կցուցադրվեն Արմենիա թիվիի և Արմենիա պրեմիումի եթերում։
