Հայտնի դերասան, ֆուտբոլի մեծ սիրահար Միխայիլ Բոյարսկին, Ռուսաստան-Բելգիա խաղից առաջ «СЭ»-ին տված հարցազրույցում հետաքրքիր խոստում է տվել:
— Ի՞նչ զգացողություններով եք սպասում Ռուսաստանի ազգային հավաքականի առաջին խաղին:
— Տագնապով ու անհանգստությամբ:
— Ինչո՞ւ։
— Ես տեսել եմ վերջին ստուգողական հանդիպումները ՝ Լեհաստանի և Բուլղարիայի հետ: Ես լավատեսորեն չեմ տրամադրված: Դժբախտաբար։ Իսկ Բելգիան եվրոպական ուժեղագույն թիմերից մեկն է: Դժվար է պատկերացնել, որ մերոնք գոլ կխփեն նրանց: Նույնիսկ հաշվի առնելով Դե Բրույնեի ու Ազարի կորուստները, ովքեր վնասվածքների պատճառով շաբաթ օրը խաղադաշտ դուրս չեն գա: Դժվար թե հնարավոր լինի հաղթել Դանիային, որտեղ հավաքված են «Չելսիի», «Ինտերի», «Միլանի», «Տոտենհեմի» խաղացողները … Հուսով եմ, որ կկարողանանք հաղթել Ֆինլանդիայի ընտրանուն:
— Խմբից դուրս գալու համար երեք միավորը, ամենայն հավանականությամբ, բավարար չի լինի:
— Ռուսաստանի հավաքականի հանդեպ ունեցած մեր ամբողջ սիրով լցված՝ պետք է խոստովանենք, որ մեր ֆուտբոլիստները լուրջ փորձ չունեն, ոչ էլ հմտություններ: Այո, 2018-ին մենք 11 մետրանոցներով անցանք Իսպանիային: Դա հրաշք էր: Այն չի կրկնվի երկրորդ անգամ: Չնայած․․․
— Ի՞նչ։
— Հիշեք 2004 թվականը: Ոչ ոք նույնիսկ չէր հավատում Հունաստանի հավաքականին, շատերը ծիծաղում էին նրանց վրա: Եվ նա վերցրեց և հաղթեց Եվրոպայի առաջնությունը: Եթե մերոնք էլ նույնն անեն, ես հրապարակավ կխոստովանեմ, որ սխալվել եմ: Ավելին, ես կուտեմ գլխարկս:
— Ձեր հիմնական հարցը Չերչեսովին:
— Իմ կարծիքով, մենք դեռ թիմ չունենք: Կան անհատապես ուժեղ խաղացողներ: Ի դեպ, ինչպես հոկեյի հավաքականում: Ճիշտ հասկացեք, ես ամբողջ սրտով կերկրպագեմ մերոնց: Եվ ես անկեղծորեն ուրախ կլինեմ, եթե տղաները հերքեն իմ մռայլ կանխատեսումը: Բայց այս պահին ես լավատեսության հիմք չեմ տեսնում:
