Բրազիլիայի հավաքականի ֆուտբոլիստները գոհ չեն մնացել Ամերիկիայի Գավաթի խաղարկությունն իրենց երկիր տեղափոխելու որոշումից: Այս մասին հայտնում է Globo Esporte-ն:
Աղբյուրի փոխանցմամբ, ազգային թիմի վետերանները Բրազիլիայի ֆուտբոլի ֆեդերացիայի ղեկավար Ռոջերիո Կաբոկլոյի հետ զրույցում իրենց դժգոհությունն են հայտնել մրցաշարի տեղափոխման փատի և նրա առթիվ, որ իրենք այդ մասին իմացել են ԶԼՄ-ներից: Նրանք ԲՖՖ-ի նախագահի հետ քննարկել են Կոպա Ամերիկային չմասնակցելու կամ ամբողջ մրցաշարը չեղարկելու հավանականությունը:
Բրազիլացիների գլխավոր մարզիչ Տիտեն մամուլի ասուլիսի ընթացքում հաստատել է, որ նման խոսակցություն ֆուտբոլիստների և ֆեդերացիայի նախագահի միջև իսկապես եղել է, բայց չի ցանկացել, մանրամասնել, թե կոնկրետ ինչ են կողմերը քննարկել: Ընդ որում, մասնագետի հետ մամուլի ասուլիսին պետք է մասնակցեր նաև թիմի ավագ Կազեմիրոն, որը, սակայն, չի ներկայացել ասուլիսին: Հավաքականի մյուս ֆուտբոլիստները ևս մինչև հիմա չեն մեկնաբանել Ամերիկայի Գավաթի տեղափոխումը:
