Իսպանական ֆուտբոլի ֆեդերացիան (RFEF) հայտարարել է, որ Բասկերի երկրի համար անհնար կլինի կատարել նոր ներկայացված կառավարության արձանագրությունները, որոնք թույլ կտան երկրպագուներին այս ամռանը ներկա գտնվել Բիլբաոյի մարզադաշտերում Եվրո-2020-ին ՝ վտանգելով մրցաշարի խաղերի անկացումն այդ քաղաքում։
«Երեկ մենք ստացանք այն պահանջների ցուցակը, որոնք Բասկերի կառավարությունը դրել էր երկրպագուների ներկայության վերաբերյալ, և առաջին հայացքից մեզ հարկադրված ենք նշել Իսպանիայի ֆուտբոլի ֆեդերացիայի կողմից դրանց ընդունման անհնարինությունը:
Մինչև հունիսի 14-ը Բիլբաոյի և Իսպանիայի բնակչության 60% պատվաստելու պահանջը չի կարող բավարարվել, ուստի հանդիպումները պետք է անցկացվեն դատարկ տրիբունաներով:
Այսպիսով, Իսպանիայի ֆուտբոլի ֆեդերացիան պատասխանատվություն չի կրելու այն որոշման համար, որը ՈՒԵՖԱ-ն կկայացնի այս փաստաթուղթը վերլուծելուց հետո, քանի որ մենք դա արդեն ծանուցել և տեղեկացրել ենք կազմկոմիտեին», — մեջբերում է ֆեդերացիայի մամուլի ծառայությանը Goal-ը:
Ավելի վաղ հաղորդվում էր, որ բացի Բիլբաոյից, ՈՒԵՖԱ-ն կարող է Եվրոպայի առաջնության քաղաքների ցանկից բացառել Դուբլինը (Իռլանդիա) և Գլազգոն (Շոտլանդիա):
Նշված քաղաքները դեռ երաշխիքներ չեն տրամադրել երկրպագուների քանակի վերաբերյալ, որոնք կարող են մարզադաշտերը ընդունել մինչ հունիս: ՈւԵՖԱ-ն ցանկանում է երկրպագուների նվազագույնս 50 տոկոս ներկայություն Եվրոպայի առաջնության մարզադաշտերում: Իսկ Բիլբաոյի, Դուբլինի և Գլազգոյի պաշտոնյաները դեռ չեն հայտարարել այս պահանջը կատարելու պատրաստակամության մասին:
