«Մանչեսթեր Սիթիի» ուկրաինացի պաշտպան Օլեքսանդր Զինչենկոն «Քաղաքաբնակների» պատմության մեջ հաղթանակների ամենաբարձր ցուցանիշն ունի: Այդ մասին հայտնում է StatCity-ը:
Ըստ աղբյուրի, անգլիական ակումբի խաղացողների 87%-ը անցկացրել է ավելի քան 10 հանդիպում: Դրանցում ամենաշատը հաղթել է Զինչենկոն ՝ 86,75% հաղթանակ (83 հանդիպումից 72 հանդիպում):
Այս մրցաշրջանում 24-ամյա ուկրաինացին «Մանչեսթեր Սիթիի» կազմում անցկացրել է 15 հանդիպում բոլոր մրցաշարերում, որոնցում կարողացել է մեկ գոլային փոխանցում կատարել: Ֆուտբոլիստի և «քաղաքաբնակների» միջև գործող պայմանագիրը նախատեսված է մինչև 2024 թվականի հունիս: Հիշեցնենք, որ Զինչենկոն մանկունիացիների ճամբար էր տեղափոխվել 2016 թվականին՝ Ուֆայից:
Ավելի վաղ լուրեր էին շրջանառվում, որ Զինչենկոյի նկատմամբ հետաքրքրություն են ցուցաբերել «Յուվենտուսը», «Նապոլին» և «Լացիոն»: Ակումբները պատրաստ էին վարձակալել պաշտպանին մինչև մրցաշրջանի ավարտը:
