«Ալաշկերտի» հետ ընկերական խաղում (6-0) բրազիլացի եզրային պաշտպան Ջեյմս Սանթոսը 1 գոլ խփեց և 2 գոլային փոխանցում կատարեց։ Խաղից հետո ակումբի մամուլի ծառայության հետ զրույցում ֆուտբոլիստն ասել է․
«Ողջ թիմը լավ հանդիպում անցկացրեց։ Կարողացանք խաղադաշտում ցույց տալ այն, ինչ մարզիչը պահանջում էր մեզնից, ինչը փորձարկում էինք մարզումների ընթացքում։ Կարողացանք գոլեր խփել, միմյանց շատ լավ էինք հասկանում խաղադաշտում, ինչի համար էլ շատ ուրախ եմ։
Այո, նախապատրաստական փուլում ենք գտնվում, բայց կարծում եմ, որ ֆիզիկապես արդեն բավականին լավ մարզավիճակում ենք, այս խաղերն էլ վստահ եմ, որ կօգնեն, որպեսզի հնարավորինս լավ վիճակում ներկայանանք մրցաշրջանի երկրորդ հատվածին»:
