Armsport-ը Ձեր ուշադրությանն է ներկայացնում մեր նոր շարքը այն ֆուտբոլիստների մասին, ովքեր վերջերս դեպի իրենց են սևեռել թե երկրպագուների, թե եվրոպական գրանդ ակումբների ուշադրությունը, ովքեր լինելով ոչ ֆավորիտ թիմերի մասնիկ, աչքի են ընկնում արդյունավետ և ինչու ոչ՝ աստղային խաղով:
Այսօր մենք մեր հայացքը կսևեռենք Արգենտինայի առաջնությանը, որտեղից ամեն տարի տասնյակ տաղանդավոր ֆուտբոլիստներ են տեղափոխվում եվրոպական ուժեղագույն լիգաներ:
Նիկոլաս Դոմինգես
🇦🇷Արգենտինա
«Վելես Սարսֆիլդ»
21 տարեկան
«Վելես Սարսֆիլդի» կիսապաշտպանը 2019-ի երկրորդ կեսից պարբերաբար հարվիրվում է Արգենտինայի հավաքական: Հոկտեմբերին նա նշեց իր դեբյուտը «Ալբիսելեստեի» կազմում. Նիկոլասը փոխարինվեց Էկվադորի հետ ընկերական խաղում և խփեց իր առաջին գոլը: «Վելեսում» Դոմինգեսը ամրապնվել է մեկնարկային կազմում, նա արդեն կայացած ֆուտբոլիստ է: Փաստացի, արգենտինացու Եվրոպա տեղափոխելու հարցը արդեն լուծված է. ամռանը «Բոլոնյան» գնել էր կիսապաշտպանի տրանսֆերը, բայց վարձավճարով թողել է նրան իր հայրենի ակումբում՝ ևս մեկ տարով:
Ֆեդերիկո Մատիաս Սարաչո
🇦🇷Արգենտինա
«Ռասինգ»
21 տարեկան
Սարաչոն արդեն արժանացել է Արգենտինայի հավաքականի հրավերին, իսկ «Միլանը» իր հերթին հետաքրքրված է «Ռասինգի» ունիվերսալ խաղացողով: Դուք չեք կարող ձեռք բերել Եվրոպայում՝ 15-18 միլիոն եվրոյով, քիչ թե շատ հայտնի խաղացող, այնպիսի որակների հավաքածուով, ինչպիսին ունի Ֆեդերիկոն: Սարաչոն ուշադրություն է գրավում այն փաստով, որ նա հմտորեն գործում է վինգերի, կենտրոնական կիսապաշտպանի և ընդգծված հարձակվողի դիրքերում: Բացի այդ, նա տիպիկ արգենտինացի խաղացող է՝ 171 սանտիմետր հասակով, արագաշարժ, տեխնիկակապես գրագետ:
Էզիկիել Պալասիոս
🇦🇷Արգենտինա
«Ռիվեր Փլեյթ»
21 տարեկան
«Ռիվեր Փլեյթի» կիսապաշտպանով հետաքրքրված են «Ռեալը» և ՊՍԺ-ն, բայց Էզիկիելը հրաժարվում է մեծ ակումբների առաջարկներից, չնայած նա հպարտ է նրանց հետաքրքրությամբ: Պալասիոսը հասկանում է, որ Մադրիդում և Փարիզում ապահովված չէ նրա խաղային պրակտիկան և դա կարող է փչացնել նրա կարիերան, հետևաբար նախընտրում է սկսել ավելի փոքր ցատկահարթակից: Ըստ լուրերի, Լևերկուզենի «Բայերը», կարծես թե արդեն արգենտինացու նոր ակումբն է: Սպասենք առաջիկա ձմեռային տրանսֆերային պատուհանին…
Տիագո Ալմադա
🇦🇷Արգենտինա
«Վելես Սարսֆիլդ»
18 տարեկան
Աննկարագրելի տաղանդավոր տղա, ով արդեն իսկ ցանկություն ունի տեղափոխվել Եվրոպա: Ալմադան ի վիճակի է խաղալ ցանկացած դիրքում հարձակման գծում, մարզիչները և գործընկերները նշում են, որ Տիագոն միշտ նույն կերպ է խաղում` բակում, մարզվելիս և մեծ խաղում: Սա հիանալի վարպետի առանձնահատկությունն է: Հասկանալի է, որ Տիագոին արդար չի լինի համեմատել Մեսսիի հետ, նման զուգահեռներ անցկացնելը դեռ վաղ է, չնայած նրան, որ խաղաոճով և հիանալի դրիբլինգով նա իրոք նման է հայտնի հայրենակցին:
Նիկոլաս դե Լա Կրուզ
🇺🇾Ուրուգվայ
«Ռիվեր-Փլեյթ»
22 տարեկան
Արգենտինացիների գերիշխանությունը մեր ցուցակում խաթարում է ուրուգվայցի ֆուտբոլիստը «Ռիվեր-Փլեյթից»: Փոքրիկ Նիկոլասը (նրա հասակը 167 սանտիմետր է) իր կարիերան սկսել է Մոնտեվիդեոյի «Լիվերպուլում» 2015 թվականին, իսկ 2017 թվականից նա արդեն խաղում է «Ռիվեր Փլեյթի» կազմում, որի հետ հաջողվել է նվաճել մի քանի գավաթներ, այդ թվում ՝ անցյալ տարի Լիբերտադորեսի գավաթը:
Դե լա Կրուզը կայուն հետաքրքրություն ունի «Մանչեսթեր Սիթիի» կողմից , և Արգենտինայում ասում են, որ 25 միլիոն եվրո և… ֆուտբոլիստի տրանսֆերը մառախլապատ Ալբիոն գրեթե լուծված հարց է:
Վար Բաբայան
