Կլո՞պ, թե Գվարդիոլա․․․ Ի՞նչ է սպասվում մառախլապատ Ալբիոնում այսօր երեկոյան

Այսօր, Երևանի ժամանակով 20։30-ին, Լիվերպուլի «Էնֆիլդ» մարզադաշտում տեղի կունենա ԱՊԼ-ի այս տարվա երևի թե ամենակարևոր հանդիպումը՝ «Լիվերպուլ» — «Մանչեսթր Սիթի» … Փորձենք հասկանալ, թե ինչ է կատարվում 2 հակադիր բևեռներում: Ի վերջո, խաղի արժեքը գնահատվում է 6 միավոր:

Լիվերպուլ

«Լիվերպուլը» այս մրցաշրջանում ցույց է տալիս պարզապես գերազանց արդյունքներ՝ բոլոր մրցաշարերում պարտվելով միայն «Նապոլիին» (0-2): Պրեմիեր լիգայում մերսիսայդցիները ռեկորդ են սահմանել ՝ 11 խաղում վաստակելով 31 միավոր, և միայն մեկ խաղում միավորներ կորցրել:

Ներկայիս «Լիվերպուլի» առանձնահատկությունը՝ ուժերը ճիշտ բաշխելու ունակությունն է: Արդյունքում, «կարմիրները» հասան անգամ Լիգայի գավաթի խաղարկության քառորդ եզրափակիչ, որը, ի դեպ, կանցկացվի գրեթե նույն ժամանակ, ինչ Ակումբային աշխարհի գավաթի խաղարկությունը:

Անգլիայի Պրեմիեր լիգայում տանը «կարմիրները» չեն պարտվել 45 հանդիպումներում: Ընթացիկ առաջնությունում «Էնֆիլդում» Յուերգեն Կլոպի տղաները հաղթեցին «Նորվիչին» (4:1), «Արսենալին» (3:1), «Նյուքասլին» (3:1), «Լեսթերին» (2:1) և «Տոտենհեմին» (2:1): Ինչպես տեսնում եք, այս մենամարտերից և ոչ մեկը «Լիվերպուլն» առանց գոլ բաց թողնելու չխաղաց, ինչը վկայում է պաշտպանությունում «կարմիրների» վատթար խաղի մասին:

Մերսիսայդյան ակումբում վնասվածքներ ունեն երեք ֆուտբոլիստներ՝ Ջոել Մատիպը, Շաքիրին և Նաթանիել Կլայնը: Կորուստ կարելի է համարել միայն առաջին ֆուտբոլիստի բացակայությունը։

Մանչեսթեր Սիթի

«Մանչեսթեր Սիթին» դեռևս խաղում է չեմպիոնի կարգավիճակով, բայց «քաղաքաբնակները» հաճախ սկսում են անսպասելի անհաջողություններ գրանցել: Պեպ Գվարդիոլայի թիմը Պրեմիեր լիգայում պարտվեց «Նորվիչին» (2:3) և «Վուլվզին» (0:2) իրենց դաշտում: Նաև «Մանչեսթեր Սիթին» միավորներ կորցրեց «Տոտենհեմի» հետ տնային խաղում (2:2): Արդյունքում, «քաղաքաբնակները» չորրորդ տեղում են՝ վեց միավորով զիջելով «Լիվերպուլին»: Իսկ «Էնֆիլդում» կրած պարտության դեպքում այդ հեռավորությունը կարող է ավելանալ ընդհանուր առմամբ ինը կետով:

Լավագույն վեցնյակի ներկայացուցիչների հետ մրցավեճում մանկունյանցիներն այս մրցաշրջանում առաջին անգամ կխաղան: Դրանից առաջ Գվարդիոլայի թիմը հաղթեց «Վեսթ Հեմին» (5:0), «Էվերտոնին» (3:1), «Բորնմութին» (3:1), «Կրիստալ Փելասին» (2:0) և պարտվեց Նորվիչում (2:3):

«Մանչեսթեր Սիթիի» պաշտպանությունը չոր հանդիպումների քանակի առումով մի փոքր ավելի հուսալի է թվում, քան «Լիվերպուլինը»: Սակայն կիրակնօրյա խաղից առաջ «քաղաքաբնակների» համար իրավիճակը բարդ է թվում, քանի որ Էմերիկ Լապորտը գտնվում է լազարեթում: Բացակայում է են նաև Ալեքսանդր Զինչենկոն, իսկ Չեմպիոնների լիգայի վերջին խաղից հետո՝ դարպասապահ Էդերսոնը: Ընկերակցում են վերը նշվածներին նաև Դավիդ Սիլվան և Լերոյ Սանեն:

Վիճակագրություն

~«Լիվերպուլը» Պրեմիեր լիգայում չի պարտվել 28 անընդմեջ խաղում:
~«Կարմիրները» առաջնությունում անցկացրած իրենց վերջին 20 հանդիպումներից 19-ում հաղթել են:
~«Էնֆիլդում» «Լիվերպուլը» Պրեմիեր լիգայում անցկացրած բոլոր 12 հանդիպումներում հաղթել է:
~ Անգլիայի Պրեմիեր լիգայի արտագնա խաղում անցկացրած 15 հանդիպումներից «Մանչեսթեր Սիթին» հաղթել է 13-ում:
~Այս ակումբների միջև անցկացվող վերջին տասը պաշտոնական հանդիպումների արդյունքներով առավելությունը «Լիվերպուլի» կողմն է: «Կարմիրները» հաղթել են 5 անգամ, «քաղաքաբնակները» ՝ 2:
~ Անցած մրցաշրջանում «Լիվերպուլը» 0: 0 հաշվով խաղաց ՄՍ-ի հետ «Էնֆիլդում», իսկ 1-2 հաշվով պարտվեց «Էթիհադում»:

Կանխատեսում

Այս դեպքում փոքրիկ, աննշան բաները մեծ նշանակություն կունենան: «Քաղաքաբնակները» լուրջ խնդիրներ ունեն պաշտպանությունում, այնպես որ, իհարկե, «կարմիրները» կկարողանան տխրեցնել Կլաուդիո Բրավոյին(կամ Ուոլկերին): Բայց հարձակման գծում «Մանչեսթեր Սիթին» դեռ լավ է գործում: Հետևաբար, Գվարդիոլան կփորձի կենտրոնանալ իր ներկայիս թիմի ուժեղ կողմերի վրա: Հնարավոր է ամեն ինչ, սակայն հակված ենք այն կարծիքին, որ «Լիվերպուլի» հաղթարշավը կշարունակվի․․․