Ֆուտբոլի Գերմանիայի առաջնությունում չեմպիոնական պայքարն ավարտված է։ Բայց եթե նայենք իրականության աչքերին՝ այնպես չէ, որ այն նոր է ավարտվել։ Դեռևս ձմռանը, երբ «Բայերը» առանց պարտության գնաց արձակուրդների, պարզ էր, որ ոսկե մեդալները Չավի Ալոնսոյի թիմը դժվար թե զիջի։ Բայց մենք արդեն պատմել ենք ձեզ, թե ինչպես է «Բայերը» տարիներ առաջ, ունենալով նման առավելություն, պարտվել  բոլոր մրցաշարերում ու ստացել լեգենդար դարձած «N̶e̶v̶e̶r̶k̶u̶s̶e̶n̶» մականունը։

Բայց ճիշտ պահին «Դեղագործների» ղեկավարությունը կատարեց ճիշտ նշանակում, թիմի ղեկը վստահեց Չավի Ալոնսոյին, որն իր գործն արեց պարզապես անթերի և արժանիորեն դարձավ Բունդեսլիգայի հաղթող՝ ընդհատելով «Բավարիայի» սուպեր շարքը։ Ի դեպ, սա «Բայերի» պատմության առաջին չեմպիոնությունն է։

Այս հոդվածում փորձելու ենք հիշել թոփ-5 լիգաներում գրանցված ամենաուժեղ չեմպիոնական սենսացիաները։ Բայց անդրադառնում ենք բացառապես 21-րդ դարի հաջողություններին, այլապես եթե հիշեինք բոլոր-բոլորին, հոդվածը կստանար Խորենացու «Հայոց պատմության» տեսքը։

ԱՊԼ

Լեսթեր Սիթի — 2015/16 թթ

2015 թվականի մայիսին «Լեսթերը» քիչ էր մնում դուրս մնար Պրեմիեր լիգայից։ Փրկվեցին մրցաշրջանի վերջնամասում՝ բնավորություն ցույց տալու շնորհիվ՝ վերջին 8 հանդիպումներում հավաքելով 19 միավոր։ Իսկ հաջորդ մրցաշրջանում տեղի ունեցավ անբացատրելին. Կլաուդիո Ռանիերիի թիմը չէր պարտվում մինչև նոյեմբեր, Ջեյմի Վարդին էլ գերազանցեց Ռուդ Վան Նիստելռոյի ռեկորդը՝ գոլի հեղինակ դառնալով ԱՊԼ 11 հանդիպումներում անընդմեջ: Ամանորից առաջ «Լեսթերը» մեկ ու մեջ գլխավորում էր մրցաշարային աղյուսակը, իսկ հունվարի 16-ին «Աղվեսները» ոչ-ոքի խաղացին «Աստոն Վիլլայի» հետ, բարձրացան առաջին հորիզոնական և այլևս գահից չիջան։

Ռանիերին չեմպիոն դառնալուց հետո հայտարարեց. «Մեր առաջնահերթությունը 40 միավոր հավաքելն է ու չփորձեք ծիծաղել։ Այդ նպատակին հասնելուց հետո կարող ենք մտածել մրցաշարային աղյուսակի վերին հորիզոնականների, հետո՝ Չեմպիոնների լիգայի ու միայն դրանից հետո՝ երկրորդ անընդմեջ տիտղոսի մասին»։ Ինչպես ասում են, մարդը գիտի՝ ինչ է ասում. «Լեսթերը» վաստակեց 44 միավոր և զբաղեցրեց 12-րդ հորիզոնականը։

Այժմ «Լեսթերը» ձգտում է վերադառնալ Պրեմիեր լիգա, առաջատարն է Չեմպիոնշիփում, բայց դիրքերը ամուր չեն։ Մրցաշրջանի ընթացքում նրանք կորցրին 14 միավորի առավելությունը և կենաց մահու կռիվ են տալիս «Իպսվիչի» հետ:

Լա Լիգա

Վալենսիա – 2001/02, 2003/04

Միանշանակ ու մեծ սիրով այս ցուցակում կներառեինք Խավիեր Իռուրետայի «Դեպորտիվոն», սակայն դա համարվում է 20-րդ դարի հաջողություն։ Իսպանական ֆուտբոլի այսօրվա երկրպագուների համար «Դեպորտիվո» անունը նույն ասոցիացիան է առաջացնում, ինչ, օրինակ, սինքրոֆազոտրոնը` երկու բառերն էլ մաքսիմալ անծանոթ են։ Բայց 1990-ականների վերջին և 2000-ականների սկզբին «Դեպորտիվոն» ու «Վալենսիան» մրցակցություն պարտադրեցին «Ռեալին» և «Բարսելոնային»։ «Չղջիկները» մասնավորապես 2 անգամ հաղթեցին երկրի առաջնությունում, նույնքան անգամ հասան Չեմպիոնների լիգայի եզրափակիչ, նվաճեցին ՈՒԵՖԱ-ի գավաթը և Իսպանիայի գավաթը:

Ռաֆայել Բենիտեսը նվաճեց տիտղոսն իր առաջին մրցաշրջանում, ընդ որում, առաջին տիտղոսը  «Վալենսիայի» համար՝ 31 տարվա դադարից հետո: 2003/04 մրցաշրջանում նրանք կրկնեցին իրենց հաջողությունը Լա Լիգայում իրենց ուժեղ պաշտպանության շնորհիվ (կենտրոնում խաղում էր Ռոբերտո Այալան, իսկ դարպասը պաշտպանում էր լեգենդար ու սարսափելի Սանտիագո Կանիսարեսը)՝ 38 խաղում բաց թողած 27 գոլ։

Սերիա Ա

Ռոմա – 2000/01

Ինչպես «Սուպերդեպորը» Իսպանիայում, նույնը՝ «Լացիոն» Իտալիայում. «արծիվները» փառահեղ մրցավազքում դարձան չեմպիոն, որը հիշատակման արժանի է։ Բայց դա 2000-ին էր։ Հաջորդ մրցաշրջանում սովորական ֆավորիտները նորից կաղում էին՝ «Միլանը», «Ինտերը», «Յուվեն» էլ ֆորմալ էր մասնակցում մրցավազքին, քանի որ այդ մրցաշրջանում անսպասելի ուժեղ էր «Ռոման»։ Կապելոյի թիմը գրեթե միավորներ չէր կորցնում կարգով իրեն զիջող թիմերի դեմ, իսկ տանը հիանալի տեսք ուներ։ Ամբողջ առաջնության ընթացքում «Ռոման» պարտվել է ընդամենը երեք անգամ՝ «Ինտերին», «Միլանին» և «Ֆիորենտինային»։ Առաջին շրջանի ավարտին «Ռոման» «Յուվենտուսից» առաջ էր 6 միավորով, բայց իրավիճակը մի փոքր լարվեց 31-րդ տուրում։ «Գայլերը» ոչ-ոքի խաղացին «Միլանի» և «Նապոլիի» հետ, և երկրորդ տեղից ունեցած տարբերությունը կրճատվեց ընդամենը 2 միավորով: Վերջին` 34-րդ տուրում «Յուվենտուսը» կանխատեսելիորեն հաղթեց «Ատալանտային» (2:1), իսկ «Ռոմային» միայն տնային հաղթանակ էր անհրաժեշտ «Պարմայի» նկատմամբ, որտեղ խաղում էին Բուֆոնը, Թուրամը, Միլոշևիչը, Դի Վայոն և Կանավարո եղբայրները։ Բայց Սկուդետոյի հետևից վազող «Ռոմային» այդ խաղում չէր կարող կանգնեցնել որևէ թիմ. առաջին կեսում Տոտտին ու Մոնտելան հարմարավետ առավելություն ապահովեցին, իսկ երկրորդ կեսի վերջում Գաբրիել Բատիստուտան դրեց «Ռոմայի» հաղթական վերջակետը և հռոմեացիները 18 տարվա մեջ առաջին անգամ նվաճեցին տիտղոսը։

Բունդեսլիգա

«Վերդեր Բրեմեն» — 2003/04

«Բրեմենյան երաժիշտները» միայն առաջին շրջանում 3+ գոլով 10 հաղթանակ տարան։ 16-րդ տուրում Թոմաս Շաաֆի թիմը միանձնյա գլխավորեց մրցաշարային աղյուսակը ու այդպես էլ այնտեղ մնաց։ «Վերդերը» երաշխավորեց տիտղոսը 32-րդ տուրում՝ Մյունխենում «Բավարիայի» նկատմամբ վստահ հաղթանակից հետո (3:1): Ինչպես և «Ռոմայի» պարագայում, ոսկե գոլերը խփեցին հարձակման գծի առանցքային խաղացողները՝ Իվան Կլասնիչը, Յոան Միկուն և Աիլթոնը։

Սա «Վերդերի» պատմության 4 տիտղոսն էր Թոմաս Շաաֆի հետ։ 1988 և 1993 թվականներին նա դարձել էր չեմպիոն՝ որպես ֆուտբոլիստ։ 2004 թվականի մայիսին Բրեմենը տոնում էր ոսկե դուբլը, քանի որ Աիլթոնն ու ընկերները տուն էին բերել նաև Գերմանիայի գավաթը։

Շտուտգարտ – 2006/07 թթ

Մրցաշրջանի սկզբում ոչ ոք չէր համարձակվի ասել, որ «Շտուտգարտը» կարող է չեմպիոն դառնալ, մանավանդ, երբ առաջնության սկզբում 0:3 հաշվով պարտվեց «Նյուրնբերգին», հազիվ հաղթեց «Արմինիային» (3:2) և զիջեց «Բորուսիային» (1:3): 4-րդ տուրից հետո 15-րդ տեղ։ Չեմպիոնական հավակնություննե՞ր։ Չէ, չենք լսել….կասեր ցանկացած թիմ, բայց ոչ «Շտուտգարտում»։ 9 հանդիպում առանց պարտության. Նման տպավորիչ շարքից հետո նրանք եկան ու դարձան առաջատար։ Հետո էլի եղան վայրիվերումներ։ Մի քանի տուր շարունակ «Շտուտգարտ»-ը չորրորդ տեղում էր, «Վերդերը» գարնանը լողում էր, փոխարենը՝ «Շալկեն» դարձավ առաջատար: Մրցաշրջանի ավարտից 8 տուր առաջ «Շտուտգարտն» արդեն hետ էր մնում առաջատարից 8 միավորով։ Բայց հետո տեղի ունեցավ անհավանականը՝ Արմին Ֆեի թիմը տարավ ութ անընդմեջ հաղթանակ, «Շալկեն» կանգ առավ, և «Շտուտգարտը» նվաճեց 15 տարվա մեջ առաջին չեմպիոնությունը:

Վոլֆսբուրգ – 2008/09

«Վոլֆսբուրգը» մինչև 2008/2009 մրցաշրջանը նույնիսկ արծաթե մեդալներ չէր նվաճել իր պատմության մեջ։ Թիմի ղեկին կանգնած էր «երկաթյա» Ֆելիքս Մագատը, որն աշխատել է ոչ միայն որպես գլխավոր մարզիչ, այլև մարզական տնօրեն։ «Վոլֆսբուրգը» թափ հավաքեց միայն առաջնության վերջնամասում, իսկ մեծ մասը կպած էր աղյուսակի միջին հորիզոնականներում։ Չեմպիոնական մրցավազքի կուլմինացիոն պահը եղավ 26-րդ տուրում, երբ «կանաչները» ջախջախեցին «Բավարիային» 5:1 հաշվով, իսկ Գրաֆիտեի գոլը դարձավ այդ խաղի ու ամբողջ առաջնության իսկական զարդը։ Նույնիսկ խոսքերն են ավելորդ այս պարագայում՝ նայեք ինքներդ ու կհասկանաք՝ ինչու։

Ընդհանուր 80 գոլ 34 խաղում՝ «Վոլֆսբուրգը» հարձակման գծում չէր խղճում ոչ ոքի։ Էդին Ջեկոն այդ տարի խփեց 26 գոլ, Գրաֆիտեն՝ 28։

Լիգա 1

Բորդո – 2008/09 թթ

Լորան Բլանի մարզչական կարիերան սկսվեց այստեղ, և արդեն երկրորդ մրցաշրջանում նա նվաճեց տիտղոսը «Բորդոյի» հետ: Նրա օրոք թիմը սահմանեց Լիգա 1-ի ռեկորդ՝ ամենաերկար հաղթական շարքը՝ 11 հանդիպում անընդմեջ: Արգենտինացի հարձակվող Ֆերնանդո Կավենագին 29 խաղում խփած 13 գոլով դարձավ «Բորդոյի» լավագույն ռմբարկուն։ Այդ թիմում փայլում էր նաև Յոան Գուրկուֆը և հայ երկրպագուներին քաջ ծանոթ Յոան Գուֆրանը, որը վերջերս խաղում էր «Արարատ-Արմենիայում»։

Այդ տարի «Բորդոն» հասավ նման հաջողության իր հիմնական մրցակից «Լիոնի»՝ մի փոքր ոչ կայուն ելույթների պատճառով։ Ժունինյոն, Բենզեման ու ընկերները գրավեցին միայն երրորդ տեղը, իսկ Բլանը և «Բորդոն» թիմի համար նվաճեցին 21-րդ դարում թիմի առաջին ու առայժմ միակ չեմպիոնությունը։

Մոնպելյե – 2011/12

2011 թվականին ՊՍԺ-ն արդեն պատկանում էր շեյխերին, բայց Մոնպելյեն անսպասելիորեն դարձավ չեմպիոն, այն էլ՝ ակումբի պատմության մեջ առաջին անգամ։ Այստեղ ինտրիգը չմարեց մինչև վերջ. վերջին տուրում փարիզցիները երեք միավորով հետ էին մնում, բայց «Լորիանին» հաղթելու դեպքում կարող էին դառնալ չեմպիոն։ Երկու հավակնորդներն գոլ բաց թողեցին, բայց հաղթեցին. «Մոնպելյեն» մի կերպ «երկնեց» հաղթանակը «Օսերի» հետ խաղում՝ 2:1: Սեզոնի գլխավոր հերոսը Օլիվյե Ժիրուն էր. բարձրահասակ ֆրանսիացին խփեց 21 գոլ և կատարեց 12 գոլային փոխանցում։ Երկար սպասված տիտղոսից հետո «Մոնպելյեի» նախագահ Լուի Նիկոլենը մոխրագույն մազերը ներկեց թիմի գույներով՝ կապույտ-նարնջագույն:

Մոնակո — 2016/17 թթ

7 տարի առաջ «Մոնակոն» դարձավ Ֆրանսիայի չեմպիոն և հասավ Չեմպիոնների լիգայի կիսաեզրափակիչ։ Դա Լեոնարդո Ժարդիմի կարիերայի լավագույն մրցաշրջանն էր: Թիմը վաստակեց 95 միավոր և պատմության մեջ 8-րդ անգամ դարձավ Լիգա 1-ի չեմպիոն։ Այո, այո, դա հենց այն մրցաշրջանն էր, երբ «Մոնակոյում» փայլեցին տաղանդավոր երիտասարդները՝ Բեռնարդո Սիլվան, Ջիբրիլ Սիդիբեն, Տոմա Լեմարը և, իհարկե, Կիլիան Մբապեն։ Այս «բանդային» առաջնորդում էր լեգենդար Ռադամել Ֆալկաոն։ Այդ մրցաշրջանից հետո թոփ ակումբներ մեկնեցին նաև Բենջամեն Մենդին («Մանչեսթեր Սիթի») և Տիեմու Բակայոկոն («Չելսի»)։ «Մոնակոն» տրանսֆերային շահույթի ռեկորդներ է սահմանել․ 2017 թվականի ամռանը նրանք վաստակել են 200 միլիոն եվրո, իսկ մեկ տարի անց՝ 367 միլիոն։

Ռոբերտ Գասպարյան

Ռուսական «Լոկոմոտիվը» մտադիր է ձեռք բերել «Լեսթերի» խորվաթ պաշտպան Ֆիլիպ Բենկովիչին, տեղեկացնում է Betting Insider-ը:

Նշվում է, որ ռուսական ակումբը մտադիր է վարձակալել 23-ամյա ֆուտբոլիստին: Հավանական տրանսֆերի արժեքը կազմում է 7 միլիոն եվրո:

Բենկովիչը «Լեսթեր» է տեղափոխվել 2018 թվականին, սակայն, այդպես էլ ոչ մի հանդիպում չի անցկացրել «աղվեսների» կազմում:

Նախորդ մրցաշրջանը խորվաթ ֆուտբոլիստն անցկացրել է շոտլանդական «Սելթիկում» : Այդ թիմում նա 8 հանդիպում է անցկացրել ՝ դառնալով  1 գոլի հեղինակ:

Ավարտվեց ֆուտբոլի Անգլիայի առաջնության 2019/20 թվականների խաղարկությունը։ Վերջին տուրի գլխավոր ինտրիգներից մեկը եվրագավաթային գոտու պայքարն էր։

«Մանչեսթեր Յունայթեդը» կարևորագույն հաղթանակ տարավ «Լեսթերի» նկատմամբ, որը ևս պայքարում էր ՉԼ գոտում հայտնվելու համար։ Հաշիվը բացեց Բրունո Ֆերնանդեշը 11-մետրանոց հարվածից 71-րդ րոպեին։ Վերջին րոպեին Ջեսե Լինգարդը, օգտվելով Կասպեր Շմեյխելի կոպիտ սխալից, ձևակերպեց վերջնական հաշիվը՝ 2-0։ ՄՅՈՒ-ն 66 միավորով առաջնությունն ավարտեց 3-րդ տեղում։ «Լեսթերը» առաջնությունն ավարտում է 5-րդ տեղում ու հաջորդ տարի կմասնակցի Եվրոպա լիգայի խաղարկությանը։

«Չելսին» սեփական հարկի տակ 2-0 հաշվով հաղթեց «Վուլվերհեմփթոնին»։ Գոլերը խփեցին Մեյսոն Մաունթն ու Օլիվիե Ժիրուն։ «Չելսին» նույնպես 66 միավոր ունի։ Ֆրենկ Լեմպարդի թիմը 4-րդն է ու նվաճում է Չեմպիոնների լիգայի ուղեգիր։ «Վուլվզը» կխաղա Եվրոպա լիգայի որակավորման փուլում։

«Տոտենհեմը» ոչ-ոքի՝ 1-1 հաշվով ավարտեց վերջին տուրի հանդիպումը «Քրիսթալ Փելասի» հետ։ Այս արդյունքից հետո Ժոզե Մոուրինյոյի թիմը 59 միավորով 6-րդն է մրցաշարային աղյուսակում։ Հաջորդ մրցաշրջանում «խթանները» կխաղան Եվրոպա լիգայում։

Այսօր կավարտվի ֆուտբոլի Անգլիայի առաջնության 2019/20 թվականների խաղարկությունը։ Վերջին տուրի գլխավոր ինտրիգը Չեմպիոնների լիգայի գոտում է։

Այս առումով կենտրոնական է «Լեսթեր» — «Մանչեսթեր Յունայթեդ» հանդիպումը։ Այս երկու թիմերն էլ պահպանում են շանսերը ՉԼ գոտում հայտնվելու համար։ Չեմպիոնների լիգայի գոտում հայտնվելու համար պայքարում է նաև «Չելսին»։

Ձեզ ենք ներկայացնում թիմերի մեկնարկային կազմերը․

«Լեսթեր»

How the Foxes line up for our final 2019/20 Premier League game 🔵#LeiMun @eToro

— Leicester City (@LCFC) July 26, 2020

«Մանչեսթեր Յունայթեդ»

ԱՊԼ-ի նախավերջին՝ 37-րդ տուրի շրջանակում քիչ անց կմեկնարկի «Տոտենհեմ»-«Լեսթեր» հանդիպումը: Խաղն անչափ կարևոր է 2 թիմի համար էլ:

«Լեսթերը» պայքարում է տեղը քառյակում ապահովելու համար, իսկ «Տոտենհեմը» ՝ ԵԼ-ի ուղեգիր նվաճելու համար: 2 թիմի համար էլ պարտությունը կարող է ճակատագրական լինել: «Լեսթերից» խաղը բաց կթողնի Մարկ Օլբրայթոնը, իսկ Մոուրինյոյի թիմից՝ Դելե Ալին ու Սերժ Օրյեն:

Մոուրինյոն ու Ռոջերսը ընտրել են հետևյալ մեկնարկային կազմերը.

«Տոտենհեմ».

«Լեսթեր». 1. Շմեյխել, 29. Բենետ, 5. Մորգան, 6. Էվանս, 2. Ջսթին, 25. Նդիդի, 8. Տիլեմանս, 56. Թոմաս, 17. Պերես, 15. Բարնս, 9. Վարդի

Խաղը կարող եք դիտել այսօր:

Ֆուտբոլի Անգլիայի առաջնության 36-րդ տուրի շրջանակում «Լեսթերը» սեփական հարկի տակ ընդունել էր «Շեֆիլդ Յունայթեդին»։

Խաղը անչափ կարևոր էր «աղվեսների» համար Չեմպիոնների լիգայի գոտում տեղը պահպանելու պայքարում։ Բրենդան Ռոջերսի սաները կարողացան առավելության հասնել մրցակցի նկատմամբ։ 29-րդ րոպեին հանդիպման հաշիվը բացեց Այոզ Պերեսը։ 79-րդ րոպեին Դեմարայ Գրեյը ձևակերպեց հանդիպման վերջնական հաշիվը՝ 2-0։ «Լեսթերը» միավորների քանակը հասցրեց 62-ի ու շարունակում է մնալ 4-րդ տեղում։

Խաղի առաջին գնդակը խփեցին հյուրերը: Գոլի հեղինակ դարձավ Ջեյմի Վարդին:

Երկրորդ խաղակեսի միջնամասում տանտերերը կարողացան երկու գոլի հեղինակ դառնալ:

Ընդամենը 2 րոպեի ընթացքում «Բորնմուտի» ֆուտբոլիստները շրջեցին խաղի ընթացքը: Գոլերը խփեցին ՝ Դոմինիկ Սոլանկեն և Ժունիոր Ստանիսլասը:

Խաղավարտին Ջոնի Էվանսը գրավեց սեփական դարպասը ՝ երրորդ գնդակը նվիրելով տանտերերին:

87-րդ րոպեին Դոմինիկ Սոլանկեն դարձավ դուբլի հեղինակ ՝ ձևակերպելով հանդիպման վերջնական հաշիվը:

Այսպիսով, «Լեսթերը» մնաց 4-րդ հորիզոնականում ՝ իր վաստակած 59 միավորով: «Բորնմուտն» իր ակտիվում ունի 31 միավոր և գտնվում է 18-րդ հորիզոնականում:

Հյուրերի մեկնարկային կազմն արդեն հայտնի է.

Sponsored by @eToro, here's your Leicester City side for #BouLei 📋

— Leicester City (@LCFC) July 12, 2020

Ուղիղ եթերն այստեղ.

ԱՊԼ-ի 34-րդ տուրի շրջանակում Լոնդոնի «Արսենալը» տանը ոչ-ոքի խաղաց «Լեսթերի» հետ:

21-րդ րոպեին գաբոնցի Պիեր-Էմերիկ Օբամեյանգը առաջ մղեց լոնդոնցիներին: Առաջին խաղակեսում այլևս գոլեր չգրանցվեցին: 71-րդ րոպեին Նկետիան փոխարինման մտավ, սակայն 4 րոպե անց կոպիտ խաղի համար ուղիղ կարմիր քարտով խաղադաշտից հեռացվեց: 84-րդ րոպեին Վարդին հավասարեցրեց հաշիվը՝ 1-1: Մրցավարը 8 րոպե ավելացրեց, սակայն թիմերին չհաջողվեց հաջողության հասնել:

Այս ոչ-ոքիից հետո «Լեսթերը» 59 միավորով չորրորդն է, իսկ «Արսենալը» 50 միավորով 7-րդ հորիզոնականում է:

ԱՊԼ-ի 34-րդ տուրի շրջանակում Լոնդոնի «Արսենալն» ընդունում է «Լեսթերին»:

Լոնդոնյան թիմն այս պահին 49 միավորով 7-րդն է ու ԵԼ-ի ուղեգիր տվող 5-րդ տեղից հետ է մնում 6 միավորով: Ցանկացած միավորի կորուստը կարող է եվրագավաթային ուղեգիր արժենալ: «Չելսին» այս տուրում հաղթել ու շրջանցել է «Լեսթերին»: «Աղվեսներին» այս խաղում հաղթանակ է անհրաժեշտ՝ երրորդ հորիզոնական վերադառնալու համար: ՉԼ-ի ուղեգրերի պայքարին արդեն իսկ միջամտել է «Մանչեսթեր Յունայթեդը»: Հավասար խաղերի պարագայում «Յունայթեդը» «Լեսթերին» զիջում է 3 միավոր:

Թիմերը դաշտ դուրս կգան հետևյալ կազմերով.

«Արսենալ».

«Լեսթեր». 1. Շմեյխել, 29. Բենետ, 6. Էվանս, 4. Սոյունչու, 2. Ջսթին, 25. Նդիդի, 8. Տիլեմանս, 11. Օլբրայթոն, 17. Պերես, 14. Իհեանաչո, 9. Վարդի

Խաղի ուղիղ հեռարձակումը՝ այստեղ: