Մադրիդի «Ռեալի» ֆրանսիացի հարձակվող Կիլիան Մբապեն հոսպիտալացվել է, հայտնում է ակումբի մամուլի ծառայությունը։
«Մեր խաղացող Կիլիան Մբապեն տառապում է սուր գաստրոէնտերիտով և հոսպիտալացվել է՝ մի շարք հետազոտություններ անցնելու և համապատասխան բուժում ստանալու համար»,- ասվում է ակումբի հայտարարության մեջ։
Ավելի վաղ 26-ամյա խաղացողը հիվանդության պատճառով բաց էր թողել Աշխարհի ակումբային առաջնության առաջին տուրի՝ «Ալ-Հիլալի» դեմ հանդիպումը (1։1)։
