«Լիվերպուլը» լիովին վստահ է ձախ պաշտպան Միլոշ Կերկեզի՝ «Բորնմութից» այս ամռանը տրանսֆերի հաջողությանը։ Այս մասին հայտնել է լրագրող Ֆլորիան Պլետենբերգը X (նախկինում՝ Twitter) սոցիալական ցանցում։
Աղբյուրի փոխանցմամբ՝ 21-ամյա ֆուտբոլիստի տրանսֆերը, ենթադրաբար, կավարտվի «մերսիսայդների»՝ կիսապաշտպան Ֆլորիան Վիրցի հետ պայմանագիր կնքելուց և այդ մասին պաշտոնապես հայտարարելուց հետո։ Ընդգծվում է, որ Անգլիայի չեմպիոնների և Կերկեզի միջև բանավոր համաձայնություն է ձեռք բերվել։
Ավելի վաղ լրատվամիջոցները հայտնել էին, որ Վիրցն արձակուրդից վերադառնալուց հետո «Լիվերպուլ» տեղափոխվելուց առաջ բժշկական զննում կանցնի։
Անցյալ մրցաշրջանում Կերկեզը բոլոր մրցաշարերում մասնակցել է 41 խաղի, որոնցում խփել է երկու գոլ և կատարել վեց գոլային փոխանցում։ Ֆուտբոլիստի ներկայիս աշխատանքային պայմանագիրն ակումբի հետ նախատեսված է մինչև 2028 թվականի ամառը։ Transfermarkt պորտալում տրամադրված տեղեկատվության համաձայն՝ ֆուտբոլիստի շուկայական արժեքը կազմում է 45 միլիոն եվրո։
