Մոլորակի ամենատարեց ֆուտբոլիստներից մեկը՝ ճապոնացի հարձակվող Կազույոշի Միուրան այսօր՝ հունիսի 15-ին, «Ատլետիկո Սուձուկա» ակումբի կազմում դուրս է եկել խաղադաշտ։
Այսպիսով՝ Միուրան 40-րդ մրցաշրջանն է անցկացնում պրոֆեսիոնալ կարիերայում։
Նշենք, որ նախորդ մրցաշրջանը նա վարձավճարով անցկացրել է այդ ակումբում։ Ավելի վաղ Միուրայի ակումբը՝ «Յոկոհաման», հայտնել էր, որ վարձակալության պայմանագիրն «Ատլետիկո Սուձուկայի» հետ երկարաձգվել է ևս մեկ մրցաշրջանով։
«Թագավոր Կաձյուն»՝ Միուրան, պրոֆեսիոնալ մակարդակով ֆուտբոլ է խաղացել 5 տարբեր տասնամյակներում՝ 1980-ականներին, 1990-ականներին, 2000-ականներին, 10-ականներին և 20-ականներին:
Միուրան իր առաջին հանդիպումը մեծ ֆուտբոլում անցկացրել է այն ժամանակ, երբ Մեսսին նույնիսկ դեռ չէր ծնվել, իսկ Ռոնալդուն մեկ տարեկան էր՝ 1986 թվականին։ Նա առաջին քայլերը պորֆեսիոնալ ֆուտբոլում կատարել է բրազիլական «Սանթոսում»։ Այնուհետև նա պաշտպանել է Բրազիլիայի և Ճապոնիայի մի շարք ակումբների գույները, ինչպես նաև խաղացել է իտալական «Ջենոայում», խորվաթական «Խորվաթիայում» (1993-2000 թ․թ․ այդպես էր կոչվում «Դինամո Զագրեբը») և ավստրալական «Սիդնեյում»։
Նա նաև առաջին ճապոնացի լեգիոներն է իտալական ֆուտբոլում, երբ 1994/95 մրցաշրջանում պայմանագիր կնքեց «Ջենոայի» հետ։ Իտալական ակումբի մարզաշապիկով նա «Սամպդորիայի» դեմ դերբիում անցկացրել է 21 հանդիպում և դարձել մեկ գոլի հեղինակ։ 1993 թվականին նա ճանաչվել է Ասիայի տարվա լավագույն ֆոտբոլիստ։
Ազգային հավաքականի կազմում անցկացրել է 89 խաղ՝ դառնալով 55 գոլի հեղինակ։
Վար Բաբայան
