«Կոպենհագենը» 16-րդ անգամ դարձել է Դանիայի չեմպիոն՝ սահմանելով երկրի համար բացարձակ ռեկորդ։ Վերջին փուլում թիմը վստահորեն հաղթել է «Նորդսյելանդին» 3:0 հաշվով և մեկ միավորով առաջ է անցել իր մոտակա մրցակցից՝ «Միդտյուլանդից»։
«Բրոնդբին» զբաղեցրել է երրորդ տեղը՝ 12 միավորով հետ մնալով «Կոպենհագենից»։
Այս մրցաշրջանից առաջ «Առյուծները» չեմպիոնական տիտղոսների քանակով ռեկորդը կիսում էին KB ակումբի հետ։ Այժմ «Կոպենհագենը» դանիական ֆուտբոլի պատմության մեջ տիտղոսների քանակով միանձնյա առաջատարն է։
Հիմնադրվելով 1876 թվականին՝ KB-ն համարվում է մայրցամաքային Եվրոպայի ամենահին ակումբը, բայց թիմը վերջին տիտղոսը նվաճել է 1980 թվականին և այդ ժամանակից ի վեր խաղում է ցածր լիգաներում։
