«Մանչեսթեր Յունայթեդի» գլխավոր մարզիչ Ռուբեն Ամորիմը մեկնաբանել է թիմի պարտությունը Եվրոպա լիգայի եզրափակչում «Տոտենհեմից» (0-1):
«Մենք պետք է հաշտվենք այս պարտության հետ։ Կարծում եմ՝ ակնհայտ է, որ մենք ավելի լավ թիմ էինք, բայց չկարողացանք գոլ խփել։ Թիմն այսօր կատարյալ հանդես չեկավ, բայց մենք ավելի լավ թիմ էինք։ Եղել են օրեր, երբ մենք շատ վատ տեսք ենք ունեցել, բայց այսօր այդ օրերից մեկը չէր», — Ամորիմի խոսքերն է մեջբերում NBC Sports-ը։
«Ես վստահ եմ, որ ես դեռ նույն մարդն եմ, նույնիսկ ավելի շատ, քան սկզբում։ Գիտեմ, որ երկրպագուների համբերությունը հաջորդ մրցաշրջանում շատ կարճ կլինի, բայց երաշխավորում եմ, որ ես չեմ հանձնվի և չեմ հեռանա։
Ես իսկապես վստահ եմ ինքս ինձ վրա։ Ես գիտեմ ակումբը, գիտեմ, թե ինչ է նշանակում լինել նրա մարզիչը, և հասկանում եմ, թե ինչ է պետք այս թիմին։ Եթե նրանք ասեն, որ ավելի լավ է փոխել մարզչին, ես հաջորդ օրը կհեռանամ։ Ես իսկապես վստահ եմ ինքս ինձ վրա և պատրաստ եմ շարունակել այս աշխատանքը, եթե ղեկավարությունը ցանկանա դա», — Ամորիմի խոսքերն է մեջբերում BBC-ն։
