«Բարսելոնայի» նախկին կիսապաշտպան Ռոնալդինյոն խոսել է կատալոնացիների և Իսպանիայի հավաքականի 17-ամյա ֆուտբոլիստ Լամին Յամալի մասին։ Ռոնալդինյոյի խոսքով՝ «Բարսելոնայի» երիտասարդ խաղացողը պետք է պատմության մեջ մտնի, ինչպես նախկինում արել է կատալոնական ակումբի սան Լիոնել Մեսսին։
«Մեսսիի հետ մենք արդեն պատմություն ենք կերտել, հիմա Յամալի հերթն է դա անելու։ Այն, ինչ նա ցուցադրում է այդքան երիտասարդ տարիքում, պարզապես անհավանական է։ Նա անհավանական տաղանդավոր տղա է։ Ես վայելում եմ նման խաղացողներին դիտելը, նրանք ֆուտբոլն ավելի լավն են դարձնում։ Հուսով եմ, որ նա կկարողանա կառուցել այնպիսի կարիերա, ինչպիսին մենք՝ Լիոնելն ու ես», — Ռոնալդինյոյի խոսքերն է մեջբերում իսպանական Marca առցանց հրատարակությունը։
Այս մրցաշրջանում Յամալը «Բարսելոնայի» կազմում անցկացրել է 54 խաղ բոլոր մրցաշարերում, խփել 18 գոլ և կատարել 25 գոլային փոխանցում։ Երիտասարդ ֆուտբոլիստը 2023 թվականից է հանդես գալիս կատալոնական ակումբի հիմնական թիմի կազմում: Լամինի գործող պայմանագիրը «Բարսելոնայի» հետ ուժի մեջ է մինչև 2026 թվականի հունիսի վերջը։
