«Մանչեսթեր Յունայթեդի» նախկին ֆուտբոլիստ Ռոյ Քինը խիստ քննադատել է թիմի հարձակվող Ռասմուս Հոյլունդի խաղային որակները:
«Հոյլունդը նման է ակադեմիան նոր ավարտած խաղացողի: Նրա խաղային որակները պարզապես չեն աշխատում: Մեծ ակումբներն ունեն հարձակվողներ, որոնք արդյունք են ապահովում առանց ուրիշների օգնության: Այս տղան ֆուտբոլային խելք չունի: Նրան աջակցություն է պետք, բայց, Աստծո սիրուն, նա պետք է մի քիչ ավելի լավ խաղա», — ասել է Քինը Sky Sports-ի եթերում:
22-ամյա Հոյլունդը «Մանչեսթեր Յունայթեդ» է տեղափոխվել 2023 թվականի օգոստոսին «Ատալանտայից»՝ 77.8 միլիոն եվրոյով: Ընթացիկ մրցաշրջանում դանիացին անցկացրել է 50 հանդիպում, խփել 10 գոլ և կատարել 4 գոլային փոխանցում:
