«Չելսին» պատրաստվում է այս ամառ առաջարկ անել «Քրիսթալ Փելասի» կենտրոնական պաշտպան Մարկ Գեհիի տրանսֆերի համար: Այս մասին հայտնում է Mirror-ը։
Աղբյուրի համաձայն՝ լոնդոնցիները պատրաստ են 50 միլիոն ֆունտ (57,5 միլիոն եվրո) վճարել անգլիացի ֆուտբոլիստի համար, ինչպես նաև գործարքի մեջ ներառել իրենց խաղացողներից մեկին: Միևնույն ժամանակ, «Քրիսթալ Փելասը» ցանկանում է 70 միլիոն ֆունտ (80,5 միլիոն եվրո) ստանալ Գեհիի հնարավոր վաճառքից և հետաքրքրություն է ցուցաբերում Տրևո Չալոբայի նկատմամբ, ով նախկինում վարձավճարով հանդես է եկել «Քրիսթալ Փելասում»:
Այս մրցաշրջանում Գեհին բոլոր մրցաշարերում անցկացրել է 37 հանդիպում՝ դառնալով երեք գոլի և երկու գոլային փոխանցման հեղինակ։ Ֆուտբոլիստի ներկայիս աշխատանքային պայմանագիրն ակումբի հետ ուժի մեջ է մինչև 2026 թվականի ամառը: Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 45 միլիոն եվրո:
