Միջազգային օլիմպիական կոմիտեն (ՄՕԿ) կրճատել է 2028 թվականին ԱՄՆ-ում կայանալիք Օլիմպիանա խաղերի տղամարդկանց ֆուտբոլի թիմերի քանակը։ Այս մասին լրագրողներին հայտնել է ՄՕԿ-ի սպորտային տնօրեն Քիթ Մաքքոնելը։
Լոս Անջելեսի խաղերի տղամարդկանց մրցաշարում կմրցեն 12 թիմեր։ Նախկինում մրցաշարին ներկայացված էին 16 ազգային հավաքականներ։ Միաժամանակ կանանց մրցաշարում թիմերի թիվը 12-ից կհասցվի 16-ի։
Բռնցքամարտի կանանց մրցումներում մրցանակները վեցի փոխարեն կվիճարկվեն յոթ քաշային կարգերում։ Առաջին անգամ կանցկացվեն խառը մրցաշարեր՝ նետաձգություն, գոլֆ, գեղարվեստական մարմնամարզություն, թիավարություն, սեղանի թենիս և 4×100 մ փոխանցումավազք: Առաջին անգամ օլիմպիական մեդալներ կշնորհվեն 50 մետր թիկնալող, բրաս և բատերֆլայ վարժություններում։
Լոս Անջելեսի Օլիմպիական խաղերում ափամերձ թիավարությունն առաջին անգամ կներկայացվի ՕԽ-ում: Մարզիկները կպայքարեն մեդալների համար սպրինտում։
2028 թվականի ամառային Oլիմպիական խաղերում կին մարզիկների թիվն առաջին անգամ կգերազանցի արական սեռի ներկայացուցիչների թիվը։ Ընդհանուր առմամբ խաղերի ծրագիրը կներառի 31 մարզաձև, որին կմասնակցեն 10,5 հազար մարզիկներ՝ 5333 կին և 5167 տղամարդ:
Լոս Անջելեսի Օլիմպիական խաղերը կանցկացվեն հուլիսի 14-ից 30-ը։
