Լոնդոնի «Չելսին» խախտել է ՈւԵՖԱ-ի ֆինանսական կայունության կանոնները՝ գերազանցելով սահմանված վնասների թույլատրելի շեմը։
Եվրոպական ֆուտբոլի ղեկավար մարմինը չի ճանաչել ակումբի կողմից որպես եկամուտ հայտարարված որոշ գործարքներ՝ ներառյալ կանանց թիմի (200 մլն ֆունտ ստերլինգ) և հյուրանոցների (76.5 մլն ֆունտ ստերլինգ) վաճառքները, քանի որ դրանք իրականացվել են «քույր ընկերություններին»։
Ներկայումս «Չելսին» բանակցում է ՈւԵՖԱ-ի հետ կարգավորման համաձայնագրի շուրջ, որը, ըստ տեղեկությունների, կներառի ֆինանսական տույժ և ծախսերի վերահսկման սահմանափակումներ առաջիկա երեք մրցաշրջանների համար։ Հնարավոր է նաև, որ խախտումների կրկնության դեպքում ակումբը ժամանակավորապես որակազրկվի եվրոպական մրցաշարերից։
Քանի՞ եղբայր եք այս խելքին․ Չելսին ՈւԵՖԱ-ի աչքի առաջ հետաքրքիր մեխանիզմներ է գործածում
Չնայած այս գործարքները օգնել են «Չելսիին» համապատասխանել Պրեմիեր լիգայի ֆինանսական կանոններին, մի շարք փորձագետներ կասկածի տակ են դրել կանանց թիմի հայտարարած շուկայական արժեքը։ Մասնավորապես՝ նշվում է, որ ԱՄՆ-ի «Էնջել Սիթի» ակումբը, որի տարեկան եկամուտը կազմում է շուրջ 24 մլն ֆունտ, վաճառվել է 194 մլն ֆունտով, մինչդեռ «Չելսիի» կանանց թիմի եկամուտը նախորդ մրցաշրջանում կազմել է ընդամենը 11.5 մլն ֆունտ։
ՈւԵՖԱ-ն իր վերջնական որոշումը կհրապարակի 2025 թվականի մայիսի կեսերին։
Աղբյուրը՝ The Times
