«Բարսելոնայի» նախագահ Ժոան Լապորտան շնորհակալություն է հայտնել թիմի գլխավոր մարզիչ Հանս-Դիտեր Ֆլիկից նրա կատարած աշխատանքի համար։
Գերմանացի մասնագետը ներկա է գտնվել ակումբային միջոցառմանը, ինչը մեծապես ուրախացրել է «Բարսայի» նախագահին։
«Շնորհակալ եմ, մարզիչ, ակումբի կյանքին ակտիվորեն մասնակցելու և նման միջոցառումների ներկա լինելու համար։ Ուզում եմ նշել, որ դուք հիանալի աշխատանք եք կատարում՝ հատկապես թիմի կառավարման առումով»,– հայտարարել է Լապորտան։
Հանս-Դիտեր Ֆլիկը գլխավորեց «Բարսելոնան» նախորդ տարվա ամռանը՝ փոխարինելով Չավի Էրնանդեսին։ Գերմանացի մասնագետի պայմանագրի ժամկետը կատալոնական ակումբի հետ նախատեսված է մինչև 2026 թվականի կեսը։
