«Բարսելոնայի» նախագահ Ժոան Լապորտան շնորհակալություն է հայտնել թիմի գլխավոր մարզիչ Հանս-Դիտեր Ֆլիկին կատարած աշխատանքի համար։
Նա ընդգծել է, որ գերմանացի մասնագետը մեծ հարգանքով է վերաբերվում ակումբին և գերազանց է ղեկավարում թիմը։
«Բարսայում մենք ստիպված ենք պայքարել բոլորի ու ամեն ինչի դեմ։ Մեր մարզիչն արդեն զգում է այդ ճնշումը, բայց մենք շարունակելու ենք պայքարել», – ասել է Լապորտան Mundo Deportivo-ին։
Միևնույն ժամանակ, Լա Լիգան հայտարարել է, որ մտադիր է բողոքարկել «Բարսելոնայի» ֆուտբոլիստներ Դանի Օլմոյի և Պաու Վիկտորի գրանցումը՝ համարելով այն անօրինական։
Սակայն Իսպանիայի բարձրագույն սպորտային խորհուրդը (CSD) աջակցել է կատալոնացիներին, և խաղացողները կմնան գրանցված մինչև մրցաշրջանի ավարտը։
