Լոս Անջելեսի (ԱՄՆ, Կալիֆորնիա նահանգ) «BMO» մարզադաշտում այս գիշեր կայացել է ԿՈՆԿԱԿԱՖ Չեմպիոնների լիգայի քառորդ եզրափակչի առաջին հանդիպումը «Լոս Անջելեսի» և «Ինտեր Մայամիի» միջև։ Հանդիպումն ավարտվել է տանտերերի՝ 1:0 հաշվով հաղթանակով:
Հանդիպման միակ գոլը 57-րդ րոպեին խփել է «Լոս Անջելեսի» հարձակվող Նաթան Օրդասը։
Հյուրերի կազմում ամբողջ խաղին մասնակցել են արգենտինացի հարձակվող Լիոնել Մեսսին, ուրուգվայցի հարձակվող Լուիս Սուարեսը, իսպանացի հենակետային կիսապաշտպան Սերխիո Բուսկետսը և նրա հայրենակից, ձախ պաշտպան Ժորդի Ալբան։ Բուսկետսը 71-րդ րոպեին ստացել է դեղին քարտ։
ԿՈՆԿԱԿԱՖ Չեմպիոնների լիգայի 1/4 եզրափակչի պատասխան հանդիպումը «Ինտեր Մայամիի» և «Լոս Անջելեսի» միջև կանցկացվի Ֆլորիդայում՝ ապրիլի 9-ի լույս 10-ի գիշերը։
