«Լաս Պալմասի» դարպասապահ Յասպեր Սիլեսենը որը նախկինում հանդես է եկել «Վալենսիայի» և «Բարսելոնայի» կազմում, շտապ վիրահատության է ենթարկվել «Սելտայի» հետ խաղում ստացած վնասվածքից հետո։
Լա Լիգայի 29-րդ տուրի խաղում (1:1) Սիլեսենը բախվել է «Սելտայի» հարձակվող Բորխա Իգլեսիասի հետ և ստացել հարված որովայնին։
27-րդ րոպեին նա լքել է դաշտը պատգարակի վրա, ապա տեղափոխվել Վիգոյի հիվանդանոց, որտեղ վիրահատվել է բարակ աղիքի վնասվածքի պատճառով։
«Վիրահատությունը հաջող անցավ, այն կատարվել է լապարոսկոպիկ մեթոդով», – հայտնել է «Լաս Պալմասը»։
