Ռուսաստանի Պրեմիեր լիգայի 22-րդ տուրում «Կրասնոդարը» սեփական հարկի տակ ընդունել է Վորոնեժի «Ֆակելին»։ Խաղը կայացել է Կրասնոդարում և ավարտվել է տանտերերի՝ 5։0 հաշվով ջախջախիչ հաղթանակով:
53-րդ րոպեին հանդիպման հաշիվը բացել է «Կրասնոդարի» կիսապաշտպան Նիկիտա Կրիվցովը։ 63-րդ րոպեին խաղադաշտ է մտել «ցլերի» կիսապաշտպան Էդուարդ Սպերցյանը։ Նա տուգանայինից կատարած փայլուն հարվածով 3 րոպե անց դարձել է գոլի հեղինակ։
69-րդ րոպեին հարձակվող Օլակունլե Օլուսեգունը Սպերցյանի փոխանցումից հետո հաշիվը դարձրել է խոշոր։
74-րդ րոպեին Օլուսեգունը դուբլի հեղինակ է դարձել, իսկ 80-րդ րոպեին տանտերերի կիսապաշտպան Դանիլա Կոզլովը խփել է հանդիպման 5-րդ գնդակը։
«Կրասնոդարը» Ռուսաստանի Պրեմիեր լիգայի մրցաշարային աղյուսակում զբաղեցնում է առաջին տեղը։ Մուրադ Մուսաևի թիմը 22 խաղում վաստակել է 49 միավոր։ Վորոնեժյան ակումբը 22 խաղից հետո վաստակել է 14 միավոր և 15-րդ տեղում է։
