Թուրինի «Յուվենտուսը» դիտարկում է հաջորդ մրցաշրջանի մեկնարկից առաջ նոր գլխավոր մարզիչ նշանակելու հարցը։
Վերջերս «Ծեր սինյորայի» ղեկը ստանձնեց Իգոր Տուդորը, ով փոխարինեց պաշտոնանկ արված Տիագո Մոտային։
Խորվաթ մասնագետը կարճաժամկետ պայմանագիր է կնքել ակումբի հետ, որը նախատեսված է մինչև մրցաշրջանի ավարտը և ներառում է մեկ տարով երկարաձգելու տարբերակ։
Մինչդեռ, ըստ լրագրող Ֆաբիանա դելա Վալեի, ակումբն ուսումնասիրում է այլ թեկնածուների տարբերակները։ Գլխավոր նպատակը մնում է Անտոնիո Կոնտեն, ով աշխատում է «Նապոլիում»: Հետաքրքրությունների ցանկում են նաև ներկայումս գործազուրկ Զինեդին Զիդանը և Ռոբերտո Մանչինին։ Հնարավոր են նաև Ստեֆանո Պիոլիին (Ալ-Նասր) կամ Ջան Պիերո Գասպերինիին (Ատալանտա) հրավիրելու տարբերակները։
