«Յուվենտուսը» որոշել է հեռացնել թիմի գլխավոր մարզիչ Տիագո Մոտային։ Այս մասին հայտնում է ինսայդեր Նիկոլո Սկիրան:
«Յուվենտուսում» Տիագո Մոտայի պատմությունն ավարտված է։ Ակումբը որոշել է անմիջապես հեռացնել նրան գլխավոր մարզչի պաշտոնից։ Իգոր Տուդորը հաստատել է թիմը գլխավորելու իր պատրաստակամությունը մինչև մրցաշրջանի ավարտը, այսինքն՝ մինչև աշխարհի ակումբային առաջնության ավարտը։
Նրա պայմանագիրը կներառի տարբերակ (ոչ ավտոմատ, այլ ակումբի համար միակողմանի) պայմանագիրը երկարաձգելու ևս մեկ տարով՝ մինչև 2026 թվականի հունիսը, եթե թիմը մտնի Չեմպիոնների լիգա։
Ղեկավարության վստահությունը Մոտայի նկատմամբ մարել էր դեռ «Ֆիորենտինայի» հետ հանդիպումից առաջ (0:3): Նրան հեռացնելու որոշումը հիմա, այլ ոչ թե մայիսին, պայմանավորված էր Չեմպիոնների լիգայի խաղարկությունը բաց թողնելու և առնվազն 60 միլիոն եվրո կորցնելու մտավախությամբ, ինչը մահացու հարված կլիներ ակումբի բյուջեին:
Հենց որ գտնվեց մարզիչ, ով կարողացավ ընդունել մարտահրավերը մինչև մրցաշրջանի ավարտը և պատրաստ էր համաձայնել համագործակցության նման պայմաններին, գործարկվեց պաշտոնանկության մեխանիզմը»,- գրել է Սկիրան սոցցանցերում։
Ներկայում թուրինյան թիմն առաջնությունում հինգերորդն է՝ 1 միավորով ետ մնալով չորրորդ տեղում գտնվող «Բոլոնիայից»: Թիմն արդեն դուրս է մնացել Չեմպիոնների լիգայից ու Իտալիայի գավաթից՝ պարտվելով ՊՍՎ-ին ու «Էմպոլիին»։
Իգոր Տուդորն այս պահին առանց ակումբի է։ Նա նախկինում մարզել է «Լացիոն» և մի շարք այլ թիմեր։
